ظهور لمبة esp bsa ومانع الانزلاق

أخوي ممكن حساسات يبيلك كشف بالكمبيوتر وتطلع العلة على طول .. والله يحلها لك .

حبيبي سويت فحص الاكواد من نفس السيارة ؟ 

سو فحص كمبيوتر وريح رااسك

مستر بن شرفني مرورك - سويت فحص كمبيوتر واللمبة كانت شغاله وهو شابك الكمبيوتر وطفى السيارة وشغاله قال ماراح تتضح معاي

السيد المسؤؤل - منور حبيب قلبي سويت فحص الاكواد وطلعت سليمة ( دوني )

عبودي - ماطلع لي شي

شيك على الافيوزات واحد اعرفه طلعتله نفس اللمبات طلع افيوز محروق وغيره وراحت اللمبات 
شيك على الافيوز رقم  11 - 30 امبير - لونه وردي 
والافيوز رقم 13 - 50 امبير - لونه احمر
علبة الافيوزات الامامية اللي عند المكينة  
وانت قلنا هل الفحمات قربت تنتهي ولا زيت الفرامل ناقص ؟ 

شيكيت ع الفيوز 30 وردي و50 احمر سليم
والفحمات وزيت الفرامل سليم باقي نص عمرها

حبيبي هذي عندي في الماركيز وفحصت كمبيوتر قالو حساس الفلنجه خربان 
وغيرت فلنجه كامله وراحت المشكله 

ذكرتني بشي الله يذكرك بالشهادة مسامير الكفرات اذكر في وحده منها محلوله بجرب اليوم وارد لكم خبر

حبيبي اعتقد منها و الله يعينك 

رجعنا لكم من جديد اليوم طلعت للصناعية القديمه ف الرياض المهم ع طوول ع العضيب لاني اعرفهم واجيب لهم سيارات مالكم بالطويله دخلت السيارة ع الميزان وجالس يناظر ع الحساسات جنب كل كفر حساس وحصل وحده من الحساسات مب مشبوكه زين وركبها انبسطت انا الحين وراحت اللمبة لدقائق ورجعت للاسف قلت خليني ازيد افصل البطاريه يمكن تضبط وللاسف ماضبطت قلت خليني احرك ع مراكز الفحص اللي ف النسيم ووصلت بعد الزحمه وصداع الراس مريت ع البريدي قالت ماتبين معنا وفيه كذا محل قلهم قالو لي روح مركز البيان قلت لهم هذا حق فورد قالو هم اللي عندهم العلم واحرك ع البيان ف نفس الشارع بينهم اشارة واحصل ابو فلب مرحبا ايوووا ههههههه بكم الفحص قال ب ١٥٠ منا منا صاامل ب ١٥٠ قلت اووكيه ويركب والله العظيم انه هذا اللي سواه لف الطاره يسااار لاخر شي ويمين لاخر شي طفى السياره وشغله وراحت قال خلاص مايرجع مره ثاني وراحت سبحان الله وما اخذ مني ولا ريال قال خلاص مايبغى شي عاد ماقصرنا معه دفيته وهذا اللي حصل معي حبيت افيدكم لان فيه ناس تذكر المشاكل اللي عنداها ونعطيه كم حل وبعدين يسحب علينا ما يعلمنا ايش صار معاه وووبث هههههههههههههههههههههه

انا صارت معي نفس المشكله بالكرايسلر فحصت كمبيوتر قالو لي غير كمبيوتر الي سي 

وانا طلع من حساس فوق دعسه الفرامل سعره حول١٠٠ ريال اصلي وكاله 

السلام عليكم يا شباب
الشهر عليكم مبارك وكل عام وأنتم بخير
انا أعاني من نفس المشكله لنبه مانع الانزلاق السيارة كليزلر ٢٠١٠ 
ومدري وش الحل اللي قد حصل معه نفس المشكله يفيدني 

عندي جيب قراند شروكي ونفس المشكله

باذن الله راح اذكر لكم بعد ما تنحل اش اللي صار معاي

تم حل المشكله يا اخوان
حساس فوق دواسة الفرامل
ب80 ريال والحمد لله

هو المسئول عنها

دعواتكم

السلام عليكم اش اسم الحساس اللي يجي فوق دعسه الفرامل رحت الوكاله حقت دوج وقالي مافي حساس يحي فوق دعسه الفرامل ياليت تفيدوني 

انا عندي نفس المشكلة بس زيادة معها لمبة السكرتي والقير اذا عشقت يرجف لي 3 شهور وانا على ذا الحال ارجو الافادة

اخواني مشكلة ظهور لمبة مانع الانزلاق تشارجر 2010
حلها بسيط جداً جداً وهي ساعة الفرامل سعرها بالوكالة ١٣٥ ريال
وأما الرجفه اللي بالقير فهي غير طرمبة البنزين وغير الصافيه وإنشاء الله راح تنحل معك واسف على الإطاله