تشارجـــــــــــر ؟؟

الموتر اذا هو نظيف وحافظت عليه بيعيش ان شاء الله معك ولا عليه الا العافية ماعليك من اللي يقول لا تقربه حاااافظ يعيش

بس قبل لاتشتريه اسأل عن قطعه انا والله شخصيا ما قد تعاملت مع المتحدة بس يقولون الوكيل سيئ ومايوفر قطع وشي زي كذا بس مثل ماقلت لك منيب متأكد وممكن تكون كلها اقاويل رح اسأل عن القطع ومدى توفرها اذا ناسبتك اشتر وتوكل على الله

الموتر مع ولد جيرانا اشوفه ماشاء الله حليو يداوم عليه ويجي ماعليه الا العافية

مووتر ما في منه وخصوصا ان الستة سلندر 8 نمر يعني مريح علي الأخر  
انت ما كتبت لنا الموتر تبيه جديد ولا مستخدم 
مشكلة دودج الي هي المتحدة بس حاليا وزارة التجارة متشددة فما في خووف ان شاء الله من الوكيل 

السيارة من وجهة نظري حلو و شكلها شبابي و جميل و دفع خلفي و مواصفاتها حلوة و اشوف ناس عندهم ماشيين زي الفل 
و قطع الغياراعتقد انها متوفرة و سعرها معقول بس مو متاكد الكرايسلر همي مجربة و هي قريبة مرة من الشارجر فاتوقع بيكون نفس الشيء

عيبها هو الوكيل الكل يذمه ابدا ما سمعت احد يمدحه حتى اني اشوف ناس من اهل الشرقية ياخدونها من البحرين لان الوكيل هناك كويس

اي سياره في الحياة اذا طلعتها وكالة وحافظة عليها من ناحية صيانتها اول باول وطريقة القيادة حتى موقفها يكون فيه اهتمام الشمس واستواء الارض

راح تعيش بإذن الله معك جاري عنده كرسيداموديل 84 وكالة ماشاء الله الموتر ماصدم عليه ابدا

ماعمري كربته بس اشوف 2 يمدحونه . يقولو انه  كا كرف مثل الكامري تكرفه مايطلب شي 5 سنوات

والله اعلم .  انا لا اعرف شي عن السياره 

موتر كرف وماعليك من الي يتفلسفون انا لي اثنين كان معي ارتي وكان ماشي زي العسل ما اغير الا زيت وفحمات والحين اس ار تي 8 ماشي زي العسل بس زيت فحمات وكلش تمام مع اني اكرفها هو بس ابعد عن التعديل والدرفت والموتر معك سنين قدام واذا من الرياض تواصل معي خاص اعطيك ارقام محلات قطع غيار واقولك عن الموتر زيادة زمبروك مقدما وزي ما قلت لك لا تسمع كلام الفلاسفة الي يقولون لك حرارة وخربات ذول لاتسمعهم !

وعليكم السلام ...... أتمنى تشوف الفيديو المرفق وبعدها القرار لك وبالتوفيق .
http://www.youtube.com/watch?v=aj7dr0MPtkw

السيارة تتحمل ماعليها بس مو مثل الكامري السوناتا و الالنترا والقطع اغلى بفرق  والوكيل ابو مانيب قايل سىء جدااا

اخوي ايضا شوف المقطع هذا تجربة حسن كتبي لها 
http://www.youtube.com/watch?v=uKKH3-Png2o

الوكيل ابو كلب لكن لا تحكم على السيارة من وكيلها وفي محلات قطع غيار لها كثير موجودة !

موتر ممتاز لكن انصحك ما تشتريه بهذي الفتره بعد اكتشاف ان الوكيل يعيد سمكرتها و رشها وبيعها كجديد هذا غير نه محتكر القطع الحرامي ومغليها وفوقها صيانته زفت يخلي الواحد يخرج وهو رافع ضغطه الناس يجون مروقين ويخرجون متنرفزين




شفلك بديل وترا السيارات كثير لو يتغير الوكيل انا اول واحد اقولك اشترى السياره وانت مغمض " " " " "

سيارة عظيمة حالها كحال السيارات الأخرى المظلومة في بلادنا !
كالسيارات الألمانية المعجزة ♥

وطبعا الظلم هو : تقآعس الوكيل عن الصيانة والشح بقطع الغيار وعدم المرونة
وتوفير كل مايحتاجه الزبون باحترافية .

لذلك اغلب الناس يريّح راسه بشي منتشر في البلد عشان يسلم من الغرابيل