استفسار بخصوص موعد تغيير بواجي تشارجر

عندك بالكاتلوج اللي بالدرج كل شي تحتاجه حتى الزيت

للأسف غير متوفر الكتالوج 

البواجي السيارات الجديده تتغير بحد ادنى بعد 100 الف كيلو او اكثر 

الصراحة أنا مدري متى يغيرونها ، لكن بعطيك اللي أسويه أنا ويمكن يفيدك ، أنا اذا مشت السيارة معي حدود 100ألف ، دخلتها ورشة أو الوكالة اذا تحب ، وأجلس أغير فيها كل شيء ، سيور وبواجي وكشف على العضلات وزيت القير والفلاتر كلها ، طبعًا الفلاتر أغيرها على 50 ألف وارجع اغيرها على 100 ، انا حاط نظام لي لحالي هههههههههه وحسب استخدامي للسيارة ، عاد مدري هو نظام صح او غلط بس مرتاح فيه 

بالعربي عمر البواجي لحد 100 الف  مجربها في فورد فكتوريا 2011 ماشي 120 الف سويت له صيانه وكان فيه تفتفه خفيفه 

فكيت البواجي حصلتها تعبانه  وغيرتها وصار موتر ماشاء الله ماتسمع له صوت ومكينه هاديه 

يا اخوان 
اعتقد اللي يقول ١٠٠ الف كيلو صراحة مسافة جامدة ع البواجي 
يفترض قبل كذا بكثير تتغير 
و ننتظر آراء البقية 

شباب والله معي تشارجر 2012 سته سلندر .. 
اليوم العصر شغلتها وامشب طبيعي شوي صارت تتفتف .. 
انا ادعس وهي تفك وتفصل ... تتفتف بالعربي .. وصوت قوي من الشكمان 
ف هل المشكله من البواجي ولا من طرمبة بانزين افيدوني .. 
 مع العلم الموتر ماشي 117 الف .. ولا قد غيرت بواجيه ولا شي 
......
سوال اخير هل الكويل حق المكيف له دخل بهالشي لاني توني مغيره