رايكم يهمني ؟

مافكرت بفورد ماركيز موتر مشهود له 

ان بغيته خط خط وان بغيته بلد بلد راحه ووسع ورساوه 


اهم شي قبل كل شي استخير والله يكتبلك الي فيه الخير

دودج تشارجر

^
خويي اخد وحده من معارض جدة اخدها الصلاة على النبي 
بعد يومين طلع فيها 1000 شغلة , اللحين يبي يبيعها ب 16 الف 
فأنتبهه 

أنا من رأيي تفكر في : أكورد - كامري - سوناتا - أوبتيما - مازدا 6 - ...... إلخ.

عليكم السلام ، بصراحه  دام معك هذا المبلغ أنصحك تشتري جديد وتبعد عن المستخدم ومشاكله ، والله يكتب لك اللي فيه الخير

التشارجر لا اعلم شيء
ثانيا اللكزس موتر عليه الكلام وناعم جدا وراسي جدا وجودة ماشاء الله ماعليها كلام ووقت البيع مرغوب لكن ترى سعر 2007 es اللي حصلته سعره مبالغ فيه تحصل 2009 es قريب من هالسعر بفرق 5000 او اقل وتقدر تظغط على اسمي وتشوف موضوع مفصل عن اللكزس

دام معك هالمبلغ شوف الاوبتيما مكينه٢٤٠٠ ومثبت سرعه ووكاله على يدك

فك وكالة على يدك احسن أولا انها بتكون على الضمان يعني مرتاح ان شاء الله ثانياً ان شاء الله اول سنتين منتاب حاط فيها ريال غير زيت وبنزين بس وعلى حسب استخدامك وبعدها يمكن فحمات بس بعد سنتين وانت وسواقتك وثالثاً انها ماراح تتأثر حتى لو كثر ممشاها لأن الموتر جديد وموديل جديد

الخيارات المتاحة لك 1- كيا اوبتيما نص فل 2- كادينزا استاندر وهذي انصحك فيها لو تزيد دراهمك شوي وتاخذها ب 80 الف أولا انها ستة سلندر ومكينة جبارة ماشاء الله ما اقول لك بتسابق خلق الله لكن مريحة جداً في الخط ولا تتأثر مع المشي وثالثاً راسية 3- ازيرا وسوناتا



واذا مررة مصمل على المستعمل لاتبعد على الماركيز والفكتوريا مراتبها مريحة جداً ولو اني انصحك بالجديد احسن لك


بالتوفيق

افضل سياره حقت خط جديده بسعرك بلامنازع التيما

مقاعد مريحه جدا وفيها هداوه وعزم مايحتاج أتكلم عن مكاين نيسان شهادتي فيها مجروحه تفز فز في الخط مشاءالله

أسعارها بالمعارض اقل من 75الف

حاول تدفها خمسه الاف وطق لك كادينزا جديد ٢٠١٥ محرك سته سلندرز
زي ماقال ابراهيم

يعطيكم العافية على الردود وبيض الله وجيهكم ,,
بالنسبة للماركيز مالي رغبة فيه بس في سيارة لفتت انتباهي من فورد ( التوروس ) وخصوصا تواجدها بكثرة بالمعارض ولو أحد يفيدني فيها يكون مشكور
بالنسبة للسيارة الجديدة انا معاكم ياخوان مافي زي الجديد بس الاغلب تكون من غير اي مواصفات واحس انها حرام ادفع هالمبلغ لاني بعد فترة بطفش من السيارة وماهتم
المازدا 6 الاستاندر قريبة من مبلغي بس قريت عنها كثير ماتتحمل خطوط ووكيلها سيئ بالصيانة 
التيما الاستاندر كثير ناس نصحوني بعد سنة تتفكفك وخراباتها كثير 
بالنسبة للكيا ماقد سالت عنها بس احسها كلها اكسسوارات وتصميم ومافي جودة 
الاكورد سعرها جدا مبالغ فيه واغلب الي بالموقع يقولون صيني !! والكامري الجديدة نفس الشي 
عارف طفشتكم .. بس صدقوني من كثر مني محتار كل ماختار يجي احد يعيب 
أتمنى من مستخدمي الدودج المشاركة لتعم الفائدة 
كل من شارك ,,, كفيت ووفيت وارآرائكم محل اهتمام وراح أخذها بعين الاعتبار تسلموا ماننحرم منكم

شف دامك ما تهتم لسعر إعادة البيع خذلك تشارجر تراه منتشر بالغربيه بكثره

وبنسبه للوكيل على كلام الناس انه صار افضل من اول وتقدر تروح منتدى دودج وتتاكد وتستفسر قبل الشراء

اما لو تبي جديد خذلك كادينزا بس يبيلك تزيد الدراهم حول 5 الاف ..

موفق "

ماكل مايقال يصدق ، يعني يا الغالي لو بتسمع كلام الناس صدقني منتاب شاري موتر ولا مردك بتشتري موتر على هوا الناس وبتبلش وتتحسف انت اللي بتستخدم مهب الناس يعني حدد خياراتك بين سيارات معينة 3 او 4 وشف وش الافضل بينهم من ناحية المركب والقيادة والانسب وبعدين اسأل عنها مستخدمينها او ناس لهم خبرة في عالم السيارات وهم اللي فعلن بيفدونك .


يعني اقرب مثال انا في عام 2010 قررت اشتري موتر ولا كنت ابي الالنترا واكسنت ليس عيباً فيهم انما انا احب السيارة تكون مكينتها كبيرة وهكذا ، قررت اشتري سوناتا 2006 و2007 ماحصلت شي نظيف في السوق وكلها غاليات ضاربه الاربعين ، ولقيت لي سوناتا 2006 امريكية نظيفة وردة ولونها مميز والموتر كامل والكامل الله لما جيت ابشتريها أو اول ماشريتها كلن قال الامريكية مهيب زينة حرارة وخرابات وحساسة وانا ما صدقتهم لأني عارف الامريكية انظف من اللي عندنا بمليون مرة وثانياً نفس المكينة وكل شي اختلاف اكسسوارات وأمان افضل 10 ارباقات وثبات الكتروني الخ ... وجلست ثلاث سنوات معي ولله الحمد بدون اي مشاكل تذكر ما اغير الا قطع استهلاكية وكل سنة ونص وعليها ادخلها صيانة واشيك لين بعتها قبل سنة وهي مافيها الا العافية واللي كانوا يقولون لي السوناتا الامريكية سيئة لما ركبوها تغيرت نظرتهم 180% ولما اثبت لهم من خلال استخدامي لمدة 3 سنوات رغم اني كنت والله اكرفها توقف بالساعات ايام الكلية والمكيف مشغل والله ماقد شليت هم حرارة ولا مكيف ولا غيره وبايعها ماشيه 310 الف تشوفها والله بدون مبالغة كنها 2011 من نظافته ماشاء الله

خلاصة الكلام اشتر اللي يعجبك انت اللي بتستخدم مهب الناس

حياك يالغالي
الكزس 2007 سعرها غالي بالحيل
وبوضحلك نقطه 2007 وقفوها قبل 3 سنوات
معناته الموتر داخل السعوديه قبل 3 سنوات 
ليش ماحد اشتراه كل هالمده اكيد فيه عيب وتلقى الصدى ماكله
والصدى مابتشوفه لانهم يغطونه بماده ومع الوقت يرجع
فيه شي غريبه مافكرت فيه الكزس نفس الافالون في المكينه والقير
وبالعكس الافالون اشوفها اوسع من الكزس واثقل منه في البودي
ليش ماتشوفلك افالون 2010 
75 الف بتجيبلك افالون نضيف بطاقه جمرك ولون محترم 2010 او 2009
فكر في الافالون بتناسبك كثير مواصفات وقويه 6 سلندر ووسيعه 
والله يكتبلك الي فيه الخير 
واذا انت في جده وودك بافالون بدلك على صاله محترمه وبسعرك 

أكورد راسية وصرفيتها ممتازة جداً لكن يقولون إنها قاسية وأفضل لك تستأجر وحدة وتجربها
والأفالون إذا بتحصل سعودي نظيف 2009 نظييف فعز الله إنها شخة

فعز الله إنها شيخة

فكر بالافالون 2009 حسب دراهمك

انصحك انك تبتعد عن التورس الكابريس والكزس و و و 
سيارات حساسه جدا وقطعه نار


انت وضعك يومي 150 ك فانصحك بين ماركيز او فكتوريا ـ كامري ـ سوناتا


ورقم واحد الفورد من واقع تجربه

ارشحلك مازدا 6  ستاندر 2016 بتنزل بعد 4 شهور اوفورد فيوجن 2015 وبالتوفيق