الرجاء المساعدة مشكلة موية الرديتر جننتي

طرمبه المويه تسويها

اذا السياره ساخنه ما تهرب... وبعد ما تبرد تهرب المويه


دقق في سير المكينه والمكرات وحواليها.. اذا حصلت اثار تهريب عليها فهي من الطرمبه... بتبان معك اذا مويه الرديتر ملونه...


اذا ماهي ملونه خذ لك جك نويه رديتر اخضر ب 10 ريال وعبها عشان يوضح التهريب

أخوي ما في تهريب نهائي , واعبي موية بترومين خضرا , وكشفت عند الورش مافي تهريب ولا في حرارة ! 
إذا كانت تهرب 2 لتر , أجل وين الموية تروح ؟!! 

غيّر غطاء الرديتر بجديد اصلي

صارت معنا بالاكسنت غير عطاء الرديتر وتاكد ان مافيه تهريب عندك وبعدها ركب ماء اصلي علشان الماء العادي يتخبر مع الحراره

غطاء ====== ركب ماء اصلي موتر كرفت او تويوتا او موستبيشي الماء الاخضر هذا تجاري خرطي

دام موترك دوج تشارجر اجل من غطاء الرديتر ميه بميه ولد عمي الله يرحمه معه تشارجر v6 2012 ارتفعت الحراره وماء ينقص كثير والورش يقلون راس المكينه اخر شي طلع من غطاء الرديتر غير القربه مع الغطاء واختفت شي اسمها حراره والماء ماعد صار ينقص

احتمال كبير التهريب عندك من قسام مجموعة ليات المكيف 
كنت اعاني من نفس مشكلتك وطلع التهريب بسببها 

يااخوان أنا ما ودي اجرّب واخسر علي الفاضي , منطقيّاً لوغطا الرديتر هو السبب أعتقد أنّه يسبب نقص الموية والسيارة حارة 
ويرفع حراراة السيارة لانّه ينسّم . انا ما عندي حراراة ! ولا تنقص الموية والسيارة حارّة !! ولا في تهريب يااخوان والله كشفت
عند أكثر من ورشة , حطيت كرتون تحت السيارة وما في شيء ينقط , ولا في اثار موية خضرا تحت أو فوق السيارة ! 

ليات المكيف مافيها شيء ! والسيارة تنقص الموية بعد ما اطفيها ! 

حياك 
انت سالت والشباب كلن عطاك اللي صار وياه
وانا بعد بقولك عندنا سيارة تنقص الماء وحيرتنا
طلع الااديتر فيه تنسيم من جهة ريش الااديتر يطلع الماء
ع شكل تبخير يعني ماتشوف ماء ينقط ولاشي
فاانت ابداء زي ماقالو لك الشباب غير غطا الااديتر
وباالتوفيق

تاكد من المواصير اللي تحت الثلاجه. صارت معي بموستنق
وجلس شهرر ادوور على المشكله
اخر شي طلعت من المواصير اللي تجي تحت الثلاجه كانت مخررومه خرم بسييط جدا 
وماتهررب الا يوم تطفي السياره

اخوي السلام عليكم

ترا قربة الموية لها عيارين .. هي وحاره وهي بارده .. يعني على قولتك اذا لمن تطفيها تنزل المويه جرب ارجع شغلها وانتظر شوي شوف هل ترجع المويه لمستواها الطبيعي؟ ضروري تشيك عالحركه هذه
وطالما السياره مافيها حراره الموضوع مايقلق ان شاءالله والامر بسيط

يا صاحب الموضوع مشكلتي زي مشكلتك
لكن تراني طفشت منها وتركتها
سألت معلمين قالولي طبيعي مع اجوائنا الحلوه **

طبيعي اذا بردت السيارة بعد وقوفها بوقت يبدأ الرديتر بسحب الماء من القربة الاحتياط

مع الحرارة الشديدة والضغط داخل الرديتر بعد المشوار يبدأ بتصريف الماء للقربة الإحتياط

ومن ثم بعد ما تبرد بعد وقوف السيارة لمدة يبدأ الرديتر بسحب الماء من جديد من القربة وتحسبه انه ينقص

المقياس الصحيح ان الماء بالقربة وقت الحرارة الشديدة بعد المشاوير يكون عند الفل أو الماكس

وإذا بردت يكون تحت الماكس وهذا الصحيح

يعني لا تملاها فل وهي باردة

صارت معي نفس المشكلة بالضبط وطلعت من الرديتر فيه تنسيم خفيف
اذا جيت من مشوار طف السيارة وبعد عشر دقايق ارجع لها وبالكشاف تفحص الرديتر من الجهتين
او فك الرديتر عن محل رديترات وخله يضغطه ويغطسه في ماء يبان التهريب

أنا عندي معبي الرديتر فل اذا طفيت الموتر و جيت الصباح القاه ناقص نص واذا شغلت السيارة شوي و يرجع لمستواه الطبيعي عادي 

للعلم موتري تشارجر 

كانت عندي نفس مشكلتك على لومينا اذا طفيتها تهرب الما وماقدرت احدده الا بعد ما كثر التهريب طلع من ماصوره تحت السياره جهت المعاون