ايش رايكم بالدودج تشارجر 2015؟

الدوج مثل الالماني اذا انتى الضمان بع السياره
طبعا السياره مامنها قصور التقصير من الوكيل
بس اذا عليها ضمان راح تعزك حتى لو جاها
عطل الوكيل يتكفل فيها يصلحها بعد شهر سنه
ماعندك مشكله لانهم بيعطونك سياره مؤقته
على ماتخلص سيارتك بس لو انتهى االضمان
مايعطونك شئ عشان كذا يفضل انك تبيعها
بعد انتهاء الضمان بس خسارتك بتكون قويه
لان سيارات الدوج تطيح اقيامهن بقوه
مثل الالماني
على العموم السياره ممتازه
بس الوكيل فاشل وتجلس تشيل همه مع كل صغيره
وكبيره لو صار شئ لسيارتك
واكلمك من واقع تحربه اخوي عنده دوج تخيل مساعد
بيغيرونه على الضمان جلست السياره عندهم اسبوع
هذا وهو مساعد ههههه
طبعا عطوه سياره بديله مؤقت لان عليها ضمان
بس لو مافي ضمان هنا المشكله

ليه ماتاخذ كابرس 2016 من الوكاله ؟

- أقل من سعر التشارجر
- مرغوب أكثر
- قطع غياره متوفر
- سعره يمسك
- محرك أقوى من محرك الدودج
- صيانته أسهل وكثير يعرفون له


وسعره 119 الف لفئه الls


فكر فيها :)

انا عندي كرايسلر واقدر اقول لك وضميري مرتاح ابعد عنها.
السياره جميله وقوية وسعرها معقول لكن الوكيل تفوق على نفسه من ناحية سوء الخدمات.
اذا تعطلت السياره ما لك الا توديها لفرعهم في طريق خريص لان فروع الصيانه شغلتها تغير زيت وفلتر بس وما لهم دخل في الاصلاحات.
مواعيد الوكالة تاخذ اسبوع واحد على الاقل واذا رحت في اليوم والساعه الي حددوها لك تحتاج ساعه ونص على الاقل عشان تدخل السياره وبعدها انتظر لين يفحصون السياره ويحددون المشكلة وبعدها بيكتشفون ان القطعه المطلوبه مو موجوده عندهم وبيحتاجون ١٠ ايام لين يجيبونها للرياض والله يكون بعونك ويصبرك.
هذا في حال بغيت تروح للوكالة اما اذا تبغى حل افضل واسرع تقدر تروح لورشة المطيويع وبصراحة انا ما جربتها لكن ما اعتقد ان فيه احد يقدر يكون اسوء من المتحدة للسيارات.

الثامنه كلامك منطقي بس الكابرس يمسك سعره ههههه
هذي قويه شف الاسعار بالموقع كيف طايحه اسعار الكابرس
وهذا غير المعارض الي اسعارها اقل من الموقع

موتر من المواتر القليلة. الي باقي لهااا هيبة 

الدوج ٢٠١٢ اسعارها الحين ببحر ال ٧٠ اتكلم عن rt وتوصل ٨٥ 
واسعارها وكاله كانت ١٣٠ والافلون نفس السعر كانت 
والحين المستعمل نفس الشي 
وين طيحت السعر الي تقولون عنها ! 

داخليتها ناشفه وبلاستيكات استأجرناها وما انصحك تستأجرها اجارها 600 في اليوم

شف لك مكسيما 2016 او كابرس مواصفاتها مقبوله وافضل من داخلية الدودج وكقوة اقوى من الهيمي

قطعها ناااااااار

مشكورين على الردود الطيبه اخواني

الكابرس مشكلته انه نفس الشكل من 2007 مع اختلافات بسيطه

من يقول الكابرس ما يمسك سعره

اخوي

نصيحة استاجر لك واحد حق اسبوع وسافر عليه وجربه واذا ارتحت له وفقك الله

وبالنسبه للصيانه دام على الضمان لاتخاف

ولد خالي معه كلايسر SRT وله سنه معه وماشاء الله عليه

والسياره اذا بتحافظ عليها تدوم معك لو حراثه واذا رجلك حاره وماتهتم بصيانتها راح تتعبك ورش

احد اصحابي طلع دوج 2016 طبعا rt والله توها ماشيه 1000 

ومسك عليها خط السيارة مايعيبها شي ولاكن للامانة قالي غير مريحة 

طبعا طبيعي تكون غير مريحة لان مساعداتها مساعدات رياضية فاكيد بتكون قاسية 

هذا الي اشتكى منها بس 

ي شباب بخصوص القطع هل هي متوفره في المحلات وهل فيه درجات يعني اصلي او امريكي 

والله ياخوي الموتر بطل و يستاهل السعر 
و اذا على الوكالة مارح تحتاجهم بعد فترة الضمان و اغلب الوكلاء عندنا مضروبين 
السيارة تكرف و تستحمل بشكل كبير عيبها جلد المقصات تخرب بسرعة و تتباع لحالها ما تحتاج مقص كامل 
اما بلنسبة للشباب اللي علقو من احترامي لكم كل كلامكم كلام فاضي 
اللي يقول خذ كابرس ههههه اذا الوكالة شايفه فيه خير ما وقفته 
بعدين الكابرس ابدا لا يقارن بتشارجر لا داخلي و لا خارجي و حتى في العزم التشارجر اقوى 
فرق بين موتر شكل 2015 و موتر شكل 2007 
 والله ماهو تعصب للتشارجر و انت بكيفك خذ اللي يريحك لكن اذا بتاخذ كابرس بدل تشارجر اقلك بتندم 
الكابريس جودته ضعيفه و الداخليه جدا سيئة من ناحية الجودة 
و ابعد عن صغار العقول ابو 6 لتر و مدري ايش ترا كلامي ماهو فلسفه مجرب كابرس 2008 
و مثل ما قلت لك خذ الموتر اللي يريحك لكن الكابرس ابدا ما انصح فيه 
عندك خيارات افضل منه بسعره مثل الجنسس او الافالون او الامبالا  اذا ما ناسبتك التشارجر 
اهم شي لا تستعجل فئة السيارات اللي انت تدور فيها كبيرة و فيها خيارات كثيرة و انت شف اللي يناسبك و اللي ترتاح له 
و الله يعطيك خير الموتر اللي بتاخذه و يكفيك شره 

مشكور على الاجابات اخواني الاعزاء

التشارجر مكينة هيمي ٥.٧ ممتازة جدا و تكد بس لا كثر تدعيس خل سواقتك طبيعية موتر جميل و ملفت ومميز و سيدان رياضي 
و الان لا يوجد منافس له بعد توقف الكابرس و الكراون فكتوريا بس عيبه قاسي لأنه رياضي