هل التعديل بالهوائيات يلغي الضمان

راح ينلغي ضمان المكينة عليك 
عندك حلين الاول (انصح فيه)
غير زيتك عند بترومين ولا مراكز كبيرة معتمدة 
الحل الثاني 
انك ترجع الدبات وتسوي الصيانة وبعدها ترجع تركبها مرره ثانيه 

شوف 
دام انك ما لاحظت اي شي على السيارة وشايف كل شي تمام 
اسحب على الوكالة 
الوكالة اروح لهم اذا عندي هرجة في السيارة او اذا عندي صيانات مجانيه

وبخصوص الدبات اذا تبغا صوت طرب تلاقي اقزوز كامل مخصص للتشارجر وفك ركب 
وصوته طرب وميزته لا قص ولا تلحيم 

لو رجعت ركبت القطعه ورجعت سويت الصيانه عند الوكاله ، راح يلاحظو ؟
انا خوفي يبان بسبب التلحيم وكذا 

وانا اقول نفس الشي الهرجة فيها تلحيم واتوقع يبان 

انت الله يهديك درعمت والله السيارة باقي جديدة كانت صبرت شوي عليها عدي 10 ولا 15 الف وابدأ اشتغل عليها 

شوف بعض الوكالات يبغوا الزلة على العميل كأنه اسعار القطع من جيبهم الخاص 

ابعد عن الوكالة في الوقت الحالي وخليك على الصيانات برا الوكالة واحفظ الفواتير وان لاقدر الله صارت هرجة في السيارة راح التشليح ودور لك اقزوز  مستخدم ووديها الوكالة

كلام مسعال عيب الصواب بس استعجالك هذا اكبر غلط سويته
الأن لو صار شيء للمكينه بيقولون غلطك لانك فرغت واكيد
فرغت عشان الصوت والدعس 
وان شاء الله انها بسيطه

ازالة الدبات تلغي الضمان لكن ان شاءالله ماتحتاجهم
تغييرات الزيت غير عند بترومين يعطيك فاتوره مطبوعه ومختمه احتفظ فيها بالدرج في حالة احتجت للضمان
يعني من هنا لين ممشى 40الف اتوقع سيارتك ماتحتاج غير زيت مكينه+فلتر زيت+فلتر هواء

على حسب الوكيل

اذا انت من الرياض فالوكيل بيشيلك من الضمان

اما بجدة مسموح

وعندك المجدوعي هونداي بعد مسموح

يارجال محد حولك
غير زيتها في بترومين وامروك في السليم

انا ما شلت دبات التلوث ، اللي بعدها على طول اللي فالنص 

اذا تبغى تريح راسك و موضوع الضمان مهم عندك شوف فيه كت باك كامل للتشارجر في الوكالة 
من قطع التعديل نوعه موبار و يدخل الضمان و صوته بطل بس سعره شوي غالي