ما سبب رجة السيارة في السرعات العاليه

موديل السياره 2009

ايش نوع السيارة اخوي

أخوي  أعطنا نوع السيارة عشان نقدر نفيدك

الرجه ترصيص
والطقطقه جلد مقصات

@# في الحقيقة يوجد اكثر من سبب يؤدي الى الرجة

يجب عليك بذل اقصى جهودك ياأيها المحقق كونان لاكتشاف الفاعل 

وياترى من السبب في هاذه القضية ؟!    تابعونا في الحلقة القادمة.... (((كونان المتحري الذكي)))

ههه

__________________________________________________________

السلام عليكم
اخوي مسببات الرجه كثير
بس ليتك تحدد لنا الرجه تحسها في الطبلون والسياره
او تحس الدركسون فقط يرج

في اسباب واجد منها 
١: ترصيص
٢: كفرات 
٣ :شيال او صليب العمود او عمود الدوران  كامل
٤: كراسي مكينه 
 اكشف على الحاجات هاذي وان شاء الله بتطلع لك المشكله

اخوي اساب الرجه : ترصيص- وزن اذرعه مقصات مع التأكد ان الاذرعه والمقصات ماهي خربانه عشان يزبط الوزن-تتأكد من جلد المقصات انها سليمه- تتأكد من الجنوط ان ما فيها ضربه- تتأكد ان الكفرات ما فيها تحبيل-واذا كانت ترج مع الفرامل فلابد من خرط الهوبات ..تقبل مروري

السلام عليكم

أولا الله يرعاك ويحمي سيارتك

أخي .. اذا كانت قير عادي
وقف وشد الهاند بريك " الجلنط " وحط أول ودوس بنزين وشوف هل هناك رجه ام لا
نفس الطريقه مع الريفيرس " الريوس " وتأكد انو الستيرينج " الطاره " للأمام
الآن ... ان كانت السياره ع الأول ترج يمين ويسار ويعلى صوت حركة المكينه " السبب كراسي مكينه يمين او يسار "
اما اذا تحس السياره ترج للأمام والخلف " شيك ع جميع الكراسي "
اذا ما كان هناك رجه في البدي .. والرجه كانت دوران خفيف ب الطاره .. شيك المساعدات
بعدين اطلع ساحه .. وخذ لفه كامله مرتين  بدون اي صوت " مسجل او سيارت اخرى 
مره يمين ومره يسار .. عند صدور صوت " قرقعه " وانت تلف يمين .. شيك المقاصات اليمين 
ومثلها في اليسار
أخيرا عندما تطلع مطب .. ان كنت تحس السياره تأخذ زاويه أكثر من أخرى .. شيك عمود " مسمار " التوازن 


هذا بشكل عام
أما ان كانت الرجه(( فقط ))ع سرعه عاليه .. مع بريك تكون المشكله خراطه
                                                   بدون بريك تكون ترصيص

ولا تنسى انو الكفرات وحالتها والجنط وحجمه له تأثير على مسار السياره  

يمكن الجنوط تجآريه او الكفرآت محببه او إنك تقلع وأنت تعرف إذا اقلعت إن السياره تهز هز او عندك المساعدآت المقصآت ووزن أذرعه

اول شي الله يعطيكم الف عافيه ع الروح الجميله منكم 
اللي يسئل عن نوع السياره هي تشارجر مويل ٢٠٠٩ وكفراتها جديده. والجنوط سليمه 
والاذرعه موزونه واحياناً مع الفرامل ترج السياره والدركسون يهتز اذا فاجته بالفرامل 
والهوبات خرتها 
وربي يوفقكم ويسعدكم ،،،
اسف لعدم ردي السريع وذلك بسبب انشغالي مع اختبارات الجامعه
دعوووواتكم يالغاليين

عموما عند اي ورشة رحت اشرط عليهم اذا ما راحت المشكلة ما تدفع ولا ريال مع ضمان شهر

موفق