أضف سؤال أو موضوع جديد          

فرضا صدمت بسيارة الايجار ؟

up 2 down 1



السلام عليكم  ورحمة الله وبركاته

وكل عام وانتو بخيير جمميع

ناوي استاجر سيارة خلال فترة العيد 
تشارجر  عشان اجربه تجربه  شخصيه قبل عملية الشراء

وبحكم اننا بالعيد وززحمه عندنا بالخببر.  يجوننا ناس متهورين جداً جداً

وانا خايف من الله لا يقول  احد يصدمني او شي

ف وش الوضع ؟ هل السياره مأمنه من محل الأيجار ؟ 
هل لازم يكون مبلغ اضافي ك تأمين ؟ 
لو فرضاً انعدمت السياره وش لهم وش لي ؟ 

انا كتبت هالموضوع للفائده لي. ولباقي الاعضاء
شكراً







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


تختلف من مكتب الى مكتب ياليت تستفسر من المكتب نفسة 


up 3 down 2
شليطيح 5018
قبل 8 سنه



ادفع لي الايجار حق تامين  وقله اي شي يصير بسياره اخلي مسؤوليتي  وانشاء الله مايصير شي  

 واذا فرضنا لو قدر الله وصار لك شي  مالك اي دخل  اذا صار غلط عليه الله يهينه يتكفل بتصليح واذا انت مخطي  ياخذون عليك تامين  فقط وباقي مندوب حقهم هو الي عليه كل شي يراجع مرور وكل شي ولزم تصور سياره وتجيب لهم تقرير مرور ومالك اي دخل مندوب حق الايجار الله لايهينه هو الي يقوم بكل شي 


up 3 down 1
سكودر 14928
قبل 8 سنه



اصلن سيارات الايجار  مامنه   من غير ما تامنها انت   واذا ما صار شي لسياره ترجع  لك فلوس تامين كامله 


up 2 down 0
سكودر 14928
قبل 8 سنه



شكراً لكممم جممميع ع تفاعلككمم


الخووف انه اذا جيت تسأل عن هالنقطه.  يقوم  موظف الايجار.  يفكر انك تبي تفحط فيها   ف يصرفك يقولون نافي سيلره


up 0 down 0



بعض محلات الايجار عندهم طريقة وسخة لابعد حدووووود

اول طريقة انهم يكونون مأمنين شامل لكن مايقولوا لك وياخذون منك فلوس التصليح وهي مأمنه اصلا

ثاني حركة انهم يدفعونك نص القيمة وهذي نفس الاولى نصب في نصب

الحركة اللي في كل مكتب تأجير هي ,,,ان الانذال مايعطونك ولا حتى صورة من التأمين قل ليش ؟؟؟

عشان اذا صدمت تناديه , لييييه ؟؟؟؟


عشان يشوف الصدمه وماعاد تقدر تعدلها او شي او تلمعها


ويرجع يطالبك بقيمة الصدمة حتى لو صلحتها


الكلام مجررررب


up 4 down 1
YASSER505 4174
قبل 8 سنه



انصحك ببدجت و ذيب وابوذياب .. الشركات الكبرى فقطططططططططططططط

ابتعد عن المكاتب لان فيهم نذالة ,,, وماسبق عندهم تأمين شامل شامل شامل يعني مافيها تحمل ولا شي بس تزود 100 باليوم تقريبا او اقل . وارشح بدجت


up 1 down 0
YASSER505 4174
قبل 8 سنه



هذا الل صار مع اخوي حك حكه بسسسسيطه واخذو منه 700 رييال
2/ يعني اجي اعطيهم 600 ريال حق 4 ايام مثلاً + 1000 ريال تأمين واذا حكيت بالسياره مثلاً والغلط علي يسحبون 700 ريال من الألف ؟ كذا مايسوى ؟ اللي اعتقد انه اذا صار اي شي بالسياره اوحكه لازم تقرير نجم ؟



up 1 down 0



خذ سيارة من بدجت وأطلب منه تأمين إضافي

بحيث أنه لو صار حادث ﻻ قدر الله ما تدفع وﻻ ريال

أنا مجرب - بتدفع 20 ريال إضافية على اﻹيجار وترتاح


up 3 down 0
أبو عبادة 4852
قبل 8 سنه



وعليكم السلام ورحمه الله وبركاته

اذا الغلط على اللي صدمك ما تدفع شي ومالك دخل المكتب وشركه التأمين تطالبه
اذا الغلط عليك تدفع رسم التأمين 1500 او 2000 ريال وخلاص مكتب التأجير يكمل الباقي وانت تطلع منها
بس بحكم انهم مؤسسة او شركة ممكن يزيدون عليك رسم التأمين 500 ريال تقريباً
والمفروض انك ترفض وماعليك شي بس الاغلب يبي يخلص من شركه التأجير ويبي يفتك ويطلع بأقل الخسائر

على فكره حتى لوالسيارة باسمك وتأمينك شامل والخطأ عليك
تدفع 2000 ريال اذا مافيه تقرير من نجم او المرور واذا فيه تقرير تدفع 1500 ريال


up 0 down 0
abo kayan-55 652
قبل 8 سنه



مع احترامي  لصاحب الموضوع والمعذره والسموحه بغيت انزل موضوع عندي مشكله لاكن النقاط ماش  فاللي صار معي اني سيارتي قدر الله وخبطت المكينه فاستاجرت 
اكسنت 2013 من الرياض وقالي المصري  ترى السياره مؤمنه تامين شامل فاخذتها وقبل اسبوع صار علي حادث بنفس السياره 
وانا ماشي على طريق الباحه حذفت السياره وخشيت في صبه والحمد لله مصار فيني شي والسياره تضررت بالرفرف الامامي الايمن والرفرف الايسر والصدام الامامي 
 وباب المعاون والايرباق طلع  وجاني المرور وسوى كروكي وودو السياره على الحجز وحطولي بالتقرير عدم انتباه
وكلمت المصري وقال بشوف راع الحلال وبعدين اتصل عليهم قالو مالنا شغل فيك صلح السياره على حسابك فكلمهم العسكري وقالو السياره ماهي مؤمنه  وشيك العسكري على الكمبيوتر 
وحصلناها تامين شامل  واخذو علي الشرطه كفيل  وقالولي لازم تخلص مع الشركه والا نوقف خدماتك  فيالربع وش السوات 
وهل لهم حق اني اصلح السياره على حسابي وجزاكم الله خير 


up 1 down 0
الشمالي 13 70
قبل 8 سنه



السلام عليكم ورحمة الله وبركاته
التامين الشامل (Comprehensive) : فهو عبارة عن تأمين ضد الغير و كذلك تأمين للمستأجر عن الاضرار الناتجة
عن حوادث السير. فعند حدوث أي حادث عادة هذا النوع من التأمين يتطلب دفع تكاليف الضرر إلى حد معين (قيمة التحمل)،
فاذا زاد مبلغ الضرر الناتج عن الحادث عن قيمة التحمل، تقوم شركة التأمين بتغطية ذلك. يسمى مبلغ التحمل
باللغة الانجليزية (Excess) أو (Deductible). فمثلا ( شخص استأجر سيارة مؤمَّنة بقيمة تحمل 3000 ريال ،
فحصل حادث سير يكلف الف ريال، فان المستاجر يدفع الف ريال فقط، أما اذا كانت تكلفة الحادث عشرة الاف ريال،
فان المستأجر مطالب بدفع 3000 ريال فقط). هذا النوع من التأمين عادة لايشمل الأعطال المتعلقة بالإطارات أو النوافذ.
كما أن بعض الشركات تجعله لايشمل السرقات. هذا النوع من التأمين هو إلزامي للسيارات المستأجرة في أغلب مدن العالم
ويكون مشمولا في قيمة إيجار السيارة.
هناك خيارات يمكن اضافتها للتأمين الشامل ومن ضمنها قيمة التحمل الصفرية
الغاء قيمة التحمل عند حصول حادث (Full Damage Excess Refund): هذه الخاصية تجعل قيمة التحمل صفر
عند حدوث حوادث أو الضرر. وقد تسمى في بعض الاحيان zero deductible أو zero excess أو
Excess Protection وهو الذي يتم عرضه للمستأجرين عند استلام السيارة من شركة التأمين والذي يكون في كثير
من الاحيان أعلى من قيمة إيجار السيارة اليومي. كما أن بعض الشركات تقوم بعرض تخفيض لقيمة التحمل بدلا من
جعله صفر.
هذا الكلام مأخوذ من موقع أمنها للأمانه العلمية ، واسأل الله أن تعم الفايدة .




up 0 down 0
innagrandbali2015
قبل 4 سنه و 11 شهر



اخواني انا استاجرت سيارة وانصدمت وهي واقفه كلمت المكتب حق الاجار قال لازم تقرير من نجم وجيب السيارة السؤال هنا هل اتحمل تكاليف الاصلاح او ادفع بس حق التصليح ونجم ما اتصلت عليه هل لازم اجيب تقرير لهم او اسلم لهم السيارة مصدومه علما بان مكتوب في العقد السيارة مؤمنة تامين شامل افيدوني جزاكم الله خير


up 0 down 0
ابو هديل 1
قبل 2 سنه و 10 شهر