افضل نصائح عند استلام السيارة

تأكد من نظافة البودي ووجود العدة كاملة وكتيب المالك

وخذ راحتك في الفحص لكامل أجزاء السيارة من الداخل والخارج

مثل.ما.قال ابو عبادة بس روح في فترة العصر
لا تشغل السياره لحد ما تفتح الكبوت
تشيك ع.الزيوت كلها .. زيت فرامل زيت مكينه زيت قير زيت دركسيون
تشيك ع تواريخ الكفرات
تشيك ع داخلية السياره يمكن يكون ضاربها الشمس لان الغالبيه من الشركات
سياراتهم واقفه تحت الشمس
تشيك ع البردي اقعد ساعه كامله وانت تقز فيه
شيك ع المسجل او الشاشه اذا فيه
ع الابواب
ع المراتب
ع الكتلوجات
الطفايه
العده الخاصه بالكفر 
الرافعه و المفكات و شنطة الاسعافات
شيك كمان على لون السياره بالابواب و الكبوت و الشنطه و السقف و الرفارف
اقعد خبط البودي باصبعك شوف الصوت واحد بكل البودي
يعني اصقع الرفرف و روح للرفرف الثاني شوف نفس الصوت
الابواب شوف نفس صوت بعض
الكبوت من الزاويا ركز ولاحظ

القزاز شوفه و تفرج فيه

الف مليون مبروك ي غالي و اهم شي اذكر الله قبل تفتح الباب
و سم بالله قبل تركب و قبل تشغل
كرر  "اللهم اني استودعتك نفسي و اهلي و ما املك"
كرر"اللهم اكفني فيهم" ما تضمن عيون الناس
اذكر الرحمن دايم و من الوكاله ع البيت ع طول

و مقصد كلامي بالفحص البسيط هذا عشان لا يقولون لو لقيت اي مشكله
سوء استخدام منك .. محد قالك طلع السياره قبل تراجع سيارتك
هذا كلام الوكالات
و اهك شي انتضم بالضمان
لا تسحب ع ولا يوم لان كل شي بالضمان من ظهر الوكاله
لذلك لا ترحمهم ابد

اسف طولت بالموضوع بس لازم يكوم عندك خلفيه كبيره 

البردي ههههههه اقصد البدي
اهك يعني اهم

المعذره اخوي

ما شاء لله عليكم و الله يجزيكم كل خير

ولاتنسى ادعيه شراء الدابه او ركوبها
وعليك بالتحصين والركادة وانا اخوك ولاتستفتح سيارتك بسي دي اغاني وامورك باذن الله تمام

وابتعد عن الوسوسه ان سيارتك جديدة تخاف تصقع رصيف احد يحكك وتوسوس وتضرب بواري وتعرقل السير

الامور طيبه وانا اخوك وتوكل على الله فهو خير المتوكلين


والاخوان ماقصروا بالنصائح ولاتوقع استلام السيارة حتى تتفحص كل مسمار انه بمكانه ولايوجد اي عيب

سوا تشغيل انوار فتح كبوت شنطه اشارات لاتستلمها الا متاكد 200% كل شي سليم فيها ثم وقع الاستلام

الله يعطيك خيرها ويكفيك شرها إذا كانت السيارة جديده لا تسرعليها اكثر من 120ك لمدة لاتقل عن 6أشهر ليش ؟أقولك ليش 

بعض السيارات الجديدة يوجد فيها عيوب صنع ما يكتشفها الا اصحاب السيارات نفسها فكم من شركة استرجعت سيارات لوجود بعض الاعطال المكانيكية او غيرها 
بالنسبة إذا كانت السيارة مستخدمة شيكها من الصدام الى الصدام وخاصة الاشيارة المستهلكة زي فحمات الفرامل والزيوت والاشياء المهمة زي ماء الرديتر للسيارات القديمة 
والف مبروك مقدماً والله يعطيك خيرها ويكفيك شرها 

انتبة من العمال يسرقون الاشياء الخفيفة التي لاتكتشفها الا بعد وقت من الزمن مثل السماعات ازرار المسجل او الاشياء الخفيفة فيه بعض السيارات يوجد فيها اشياء تجي معها من بلدها زي طفاية الحريق وشنطة الاسعافات الاولية ومثلث تحذيري وشنطة عدة كاملة وفي الوكالة تشلح السيارات عندنا ويعطونك السيارة حديدة قد تفعت دم قلبك فيها سارقين نصاها أكبر دليل محمد عبدالطيف جميل يشلح جميع سيارات تويوتا والاصلي يفكة ويركب بدلة مسجل صيني ولا اماراتي وقال شد بلد
والسماعات نفس الكلام يعني لعب في لعب سيارات البازعي تختلف عن سيارات ابو جميل تويوتا ونفس السيارة عبداللطيف جميل مشلح ومغير والبازعي كاملة اغراض السيارات