استفسار عن دودج

سيارات قويه وممتازه يعيبها الوكيل سيء جدا من ناحية المعامله وتوفير قطع الغيار 
اذا بتشتري اشتر شي نظيف ولا قد جاه تعديلات ع المكينه برمجه وغيرها وترى سعر قطع غيارها غاليه شوي 

موتر وحش وبطل

حلو وراكد على الخط
ما فية موتر ما يخرب
اهم شي لو شريت 8 سلندر
حااول انك تخف رجلك عليه ولا تخليها حااارة والمطبات خذها بركادة وخل اسلوبك سلس معها
وراح تشوف السيارة متجااوبة معك وتريحك من مشاكل الخرابات

والله يوفقك فيها يا رب وخذلك جديد عشان لا تتعب

قطع غيارها ناااااااااااااااار

انا والله معزم على 6 سلندر لا صرف بنزين ولا شي لاني حاليا توني اول سنه جامعه ف م ابي مصاريف و قروشه 

من ناحية القطع سمعت اكثر الناس يطلبونها من المواقع مثل اميركان مسل و ما الى ذلك .

أخوي عندي رحيمي مطلع تشارجر 2012 ستاندر 6 سلندر وكاله .. المهم لها تقريبا سنه وماشيه قريب 100 الف صراحة الله

ماصلح فيها شي غير تغير زيت وفلتر ماكينه وفلتر الهوا المهم جنوطها 18 انفقع عليه كفر بسبب حديده في الارض ماشافها واشترا

كفر نفس حق الوكاله وسعرة 1250 ريال واحد بس يعني الطقم بخمس الاف .

الدوج أمريكي أصلي لاكن البلا في ان قطع الغيار اسعارها مرتفعة يبيلها واحد راعي كاش وبالنسبه للقوة والعزل والرساوه OK .

أما الشالنجر ماعندي عنها علم .. الزبده السيارات ممتازه والقطع غاليه والوكيل مصنك هههه سلام .

اغلب قطع السيارت الجديدة نار مش بس سيارات الدودج لكن في تفاوت في السعار وبعضها متقاربة لكن اهم شي الوكيل والخدمة مابعد البيع وتوفر قطع الغيار وهذا اشوف اكثر الناس تذم في وكالة المتحدة للسيارات على العلم ان البعض يقولون في تحسن للافضل

نصيحه لك… انا ليا شهور وماخليت من معارض في الغربيه الا مريتها. .

وقابلت كثير من الموقع يبيعون تشارجر…  

لا تشتري مستعمل ابدااااااااااا… . كل ابوها حقت تفحيططط وقومااات ..ومايببعها

الا بعد مايجيب العيد فيها وتلاحظ ممشاها قليل ويبيعها… 

انتبه والله اني مرت علي فوق ال15 سيارة rt  و srt8. ..

خذلك وكاله 8 سلندر ار تي او فل هاوس… ابعد عن الsrt8 لو انك مطفر… 

قطع غياره تختلف ومكينته اكبر…

انا قررت اجمع واشتري وكاله 2014 ان شا الله… 

كل قطع السيارات الجديدة أصبحت غالية

الدودج قطعه غالية ولكن ما يطلب قطع

البلا من الوكيل الفاشل وتعامله الزفت

انتبه
قطع الغيار غاليه
وغير متوفره لدى الوكاله
وصيانته صعبه خارج الوكاله

ان كانك ناوي عزم و قوه و رخص في قطع الغيار عندك الكابرس ولا تأخذ أقل من 2011

كابرس اس اس افضل لك قطع ارخص ومتوفرة اكثر ووكيلين افضل من وكيل الدودج وبالنسبة لمواصفات الكابرس 2014 اختلفت الداخلية كلها والجنوط والحساسات والاصطبات الخلفية واضافوا الرادار والنقطة العمياء ويكفي ان المكينة 361 حصان

الله يعطيكم العافيه جميعا 
و اخ طارق مشكور بيض الله وجهك 
ننتظر اراء الباقين و نشوف وش نقرر

خذها ولا عليك حافظ عليها وبتحافظ عليك وهذا كلام من الاخر لكل فئات التشارجر مو بس 6 او 8 سلندر نصيحة مجرب هذا اولا

ثانيا الي يقول المستعمل كله مدرفت فيه او مفحط فيه او مقاومات !! سؤال لك عزيزي ! انت ركبت مع كلللل ملاك التشارجر 
واحد واحد لشان تعرف ان كله مدرفت ومفحط فيه ؟؟ رجاء لا تشمل الكل لانك شفت واحد او اثنين او مجموعة صغيرة من عدد كبير لملاك
التشارجر !!! انا معي دودج تشارجر SRT8  وهذي وهي SRT8  ما درفت ولا فحطت فيها ومحافظ عليها ف على اي اساس
انت تقول ملاك التشارجر الي يبيعون سياراتهم لازم يكونوا مدرفتين ومفحطين فيها ؟ سؤال فقط لاني ما اظن انك ركبت معهم كلهم !!

عن تجربة 7 شهور، موتر رائع و بالنسبة لل6 سلندر ، توفر بترول بشكل غير طبيعي  بفضل القير الـ8 سرعات الجديد

اهم شيء رجلك ما تكون حارة على الموتر :)

تحيتي