أضف سؤال أو موضوع جديد          

سيارتك جديده وتبي تسحب على الوكاله تعال حياك

up 5 down 2
شكلين مابحكي 3160
قبل 7 سنه و 4 شهر



السلام عليكم ورحمة الله وبركاته
يسعد مساكم جممميع
( الموضوع مكرر سبق وان طرحته سابقاً لكن لأهميته حبيت اذكره مره أخرى لتعم الفائده )


الكثير منا يرغب بصيانة سيارته بالوكاله ولا يخفى على الجميع اسعار الصيانه لديهم الغاليه جداً
مثل سعر تغيير الزيت وتغير البواجي والكلام الفاضي اللي يسوونه ويطلبون مبلغ عالي جداً  وفي الأخير مايسون شي


ولكن فيه اشياء لا يمكن ان نهملها  


ف فيه طريقه اذا مشيت عليها راح تستغني عن الوكاله الا وهي انك تاخذ من عندهم ورقة اللي مسجل فيها جدول الصيانه

وتمشي عليها اول بأول وتطنش الوكاله وتسوي كل اللي بالجدول خارج الوكاله


( الا الأشياء المهمه  مثلاً تغيير زيت وفلتر القير او الدفرنس او الاشياء الثانيه اللي فيها مغامره  لو طنشتها بتظرب عليك  وايضاً صعب تلقى محل خارج الوكاله يغير لك زيت وفلتر القيير ما تثق فيهم واذا غيرت برا الوكاله بيكون الفرق ما يتعدا 200 ريال   ف الأفضل انك ترجع تغيره عندهم  لأنه من ضمن الاشياء المهمه

ف اللي عليك انك تحصل على جدول الصيانه من نفس الوكاله وتمشي عليه وتغير اللي تبيه برا الوكاله بعيداً عن الطمع والجشع

ع فكره ،،  تدرون اني سمعت ان وكالة جيب ودودج نظامهم نفس نظام امريكا   يتعاملون بالساعات   يعني كم المده اللي جلست سيارتك عندنا   نحاسبك عليه

أكرر اعتذاري ع الأطاله وعلى تكرار الموضوع 
 








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


يا رجال حتى جداولهم خرطي و تطلب منك استبدال قطع وهي لازالت شبه جديدة وفيها أقل شيء نص عمر 


up 2 down 0
أبو جـود 2747
قبل 7 سنه و 4 شهر



مشكور كلامك سليم بس حاب ازود حاجه
صلح صيانة الاف والخمسه ألاف فقط
وزيت القير التماتيك عندهم






up 1 down 0
ابوالوليد 2008 104
قبل 7 سنه و 4 شهر



الجدول مايحتاج نطلبه مكتوب بدليل المالك الصيانة وانا مااثق بالوكالات يمكت يبدلون قطع وهي ماكملت ربع عمرها بس عشان فلوس..مثل فورد الجزيرة جدولهم التورس واليدج والفكتوريا نفس بنود الصيانة وهم يختلفون عن الفكتوريا من ناحية التكنولوجيا والتقنية اكثرعمر من الفكتوريا زيوت وغيرها ..


up 0 down 1
talal abdullah 5421
قبل 7 سنه و 4 شهر



في حال عدم الالتزام بالصيانة يلغون الضمان واتصل على التجارة وشوف ايش يصير عندك ورق هل المركز متخصص الصيانات التي قمت بها هل عملتها في المريخ واخيرا يطردونك الوكالة حتى لو صلحوها مرة واحده الثانية لن يتم تصليحها


up 2 down 0
ابوتركي 1 188
قبل 7 سنه و 4 شهر



الاخ اكسبيدشن

وزارة التجارة اصدرت قراراً ان الضمان لا يُلغى اذا تمت الصيانة خارج الوكالة

http://akhbaar24.argaam.com/article/detail/160151


up 2 down 0
saqr111 35
قبل 7 سنه و 4 شهر



هلا اخوي شكلين طيب انا استلمت سيارتي من كيا والان ماشية 2000 وسئلت الموظف اقدر اغير برا الوكالة قال تقدر فقط عن بترومين ويحطو استكر على القزاز وهذا مهم عندهم .. طيب كيف اخذ جدول الصيانة او غير مهم


up 1 down 0
ابو دحمي 04 244
قبل 7 سنه و 4 شهر



يعطيك العافيه أخوي ماقصرت


up 2 down 0
كرومان 517
قبل 7 سنه و 4 شهر



اخوي  momez 238 
حياك الله

الموظف يقولك كذا ععشان ماتفقد الضمان لان بترومين معتمدين

لكن بترومين فقط مختصين في تغيير الزيوت فقط  مالهم علاقه في تغيير زيت القير وتغيير البواجي والسيور وطرمبة بانزين وو و الخ

انا لو اني مكانك   اروح الوكاله واشتري الزيت المعتمد لسيارتي اخذ لي كرتونين   واخليها عندي   وكل فتره اخذ موتري للبنشري يغيرها لي واعطيه 10 ريال في كل مره اغير فيها

كذا انا وفرت على نفسي  كذب ونهب بترومين والوكاله
وايضاً ركبت الزيت المعتمد من الوكاله ماركبت زيت مغشوش من برا


up 1 down 1
شكلين مابحكي 3160
قبل 7 سنه و 4 شهر



اي محل تسوي عنده صيانة احتفظ بالفواتير معك لانك اذا رحت للوكالة بيطلبون منك الفواتير


up 2 down 0
القصاب 166
قبل 7 سنه و 4 شهر



يعني اطلب منهم ورقه الصيانه او وش اسمها بالظبط لا هنت


up 1 down 0
ابو يزيد 000 8712
قبل 7 سنه و 4 شهر



فيه اشياء حنى نشوفها غبيه ومالها داعي
مثلا : فحص اداء البطاريه !
الي يقراها يقول سلامات والله ماتستاهل افحص راس مالها بطاريه
لكن اذا جأ الوقت الي تبي تطلع من بيتك وتدق سلف السياره ماتشتغل تعرف وقتها ليتني فحصت وغيرت
قبل ابلش وادور احد يسويلي اشتراك !!


up 1 down 0
aazz1989 -21
قبل 7 سنه و 4 شهر





شكراً لكم على المرور العطررر ،، تم التقييم للجميع


up 0 down 0
شكلين مابحكي 3160
قبل 7 سنه و 4 شهر



فواتير الصيانة مع قطع الغيار


up 0 down 0
القصاب 166
قبل 7 سنه و 4 شهر