أضف سؤال أو موضوع جديد          

استفسار عن سيارة دودج رام من 2012 وفوق

up 1 down 1
أبو بـاسل 20
قبل 7 سنه و 5 شهر



السلام عليكم




كيف حالكم يا أخوان
انا عندي استفسار عن سيارة دودج وأنا أشوف أن موقح حراج هو الأنسب وأعتذر إذا كان القسم خطأ لكني لم أجد قسم للاستفسارات
ندخل في الموضوع: 
أنا ودي أشتري دودج رام 2013 




لكني متردد من كلام الناس بأنه:




- غير عملي 
- خراباته واجد
- قطع الغيار غالية وما تتوفر إلا عند الوكالة
- لا يوجد ورش للصيانة
- لو قدر الله وصار شيء للموتر ما يتصلح إلا عند الوكالة واسعارهم نار




وعندي استفسارات تخص الرام وهي:




هل هو مريح وينفع للخطوط ولا يكسر الظهر مثل الشاص؟
هل الدودج رام ينفع للكشتات وطلعات البر والتطعيس ولا بس داخل المدينة؟




علماً أني في
السعودية، الرياض




في امن الله







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


الرام حكايه موتر قوي وجبار وشكله عنيف
لكن للاسف وكيله سيئ جدا
القطع حتى بالوكاله طلبيه والصيانه حقت الوكاله غاليه وسباكين بعد



up 1 down 1
sc_est 717
قبل 7 سنه و 5 شهر



اول نقطة - عملي والي يقول خلاف ذالك هو جاهل بالسيارة 
ثاني نقطة - خرباته مو كثير وما يخرب الا للي يلعبون فيه من الشباب مثل بعض الي أعرفهم والسيارة استخدمتها كرف عادي مشاوير بر خرباتها قليلة جدا 
ثالث نقطة قطع الغيار شويتين غاليه لانها طبعا سيارة موديلها جديد الي تستفسر عنها وهذا كل السيارات الجديدة لكن قطع الدودج الأصلية من موبار ركبها وانساها لك والزمن قطع اصليه صح ! ومتوفرة بالوكالة ومحلات نجم الرمال وله اكثر من فرع بالرياض 
النقطة الرابعة والخامسة مرتبطة من ناحية الورش او اذا خرب ما يتصلح الا وكالة هذا كذب وفيه ايضا شيء من الصح الجزء الكذب هو انه ما يتصلح الا بالوكالة وهذا كذبة مدري من مطلعها ! والجزء الي فيه شيء من الصدق هو الورش وهذي على حسب الخراب خراب بسيط بتلقى الحل بكل الورش اما يعني خراب شوي معقد مثل مكينة او قير والله لا يقوله مو لازم تروح الوكالة فيه مراكز متخصصة بالدودج بالرياض مثل المطيويع بالصناعية القديمة ومركز تشالنجر بالصناعية القديمة وفيه اربع مراكز ثانيه بس للأسف ما اعرف الأسماء بالضبط لكن الشباب الي أعرفهم من قروب Lx club يمدحونها وما يحتاج تروح المراكز ذي الا في حاله عطل مستعصي زي ما يقولون واذا مالقيت حل برى ! 
غير كذا الموتر موتر ما عليه اي كلام ويكرف معك ًخدوم وينفع بكل مكان  وزي ما قلت لك ركب القطع الأصلية موبار صح غاليه شويتين لكن لا تنسى ان هذا يرجع للموتر كونه موديل جديد لكن ركب وأنسى لك وللزمن ! 
ومبروك مقدما
  


up 6 down 0
fahad11-11 160
قبل 7 سنه و 5 شهر



والله وفيت وكفيت يا اخ فهد
وصراحه من كلامك حمستني عليه 
بس متخوف منه مثل ابو باسل ومعلوماتي قليله
بس بعد كلامك لو باخذ سيارة بر ما آخذ غيره


up 1 down 0
وطن من ثلج 22
قبل 7 سنه و 5 شهر



^^ الله يسلمك ويعافيك ما سويت الا الي علي  !   ^_^ !


up 0 down 1
fahad11-11 160
قبل 7 سنه و 5 شهر



اعرف واحد معه رام 2500 ستاندر بدون دبل

شاريه جديد 2008
الى يومك وهو مععه ولا حط فيه ريال واحد اللهم غيّر مروحة فقط

بس استخدامه خطوط وتحميل وسواقته هاديه لا زرزره ولا تدعيس والبر الظاهر انه ماقد طبه 

فيه ميزه عجبتني
حمولة الـ 2500 كحمولة هي الاعلى في فئة الـ 2500 مقارنة بـ (السييرا 2500 والفورد F-250)

بس حط في بالك
رغابته قليل 

يعني متى ما احتديت تبيع ما تلقى زبون جاهز 
وهذا بالنسبة لي معيار رئيسي في اختيار السيارة 

وفي النهاية الاخيار لك

موفق


up 1 down 1
naac 2 2722
قبل 7 سنه و 5 شهر



الموتر جبار بصراحه استخدمته فتره للكشتات كنت اكره شي اسمه امريكي وماعترف الا بتويوتا ونيسان لكن بعد ماجربت الرام والثمانية سرندل عرفت ليش بعض الناس ماتشري الا امريكي حتى لو هو يخرب وقطعه غالية ياخي يكفيك الراحه والقوة اللي فيه وصرفية البنزين اقل من الجيوب اللي ستة سرندل الياباني
عيبه الوحيد من تجربتي بعد ماطلعت عليه للبر ومسكت فيه رادميات وشوي جلد بدت تطلع اصوات الديكور فقط هذا اللي لاحظته ومن ناحية الخرابات والقطع الموتر مابطا معي ولاصلحت شي فيه فما اقدر افيدك


up 1 down 0
مصفي النية 303
قبل 7 سنه و 5 شهر



جزاك الله خير يا فهد 11.

وشورك وهداية الله 


up 0 down 0
أبو بـاسل 20
قبل 7 سنه و 5 شهر



انت قلت اسعار الوكالة نار انا بثبتلك العكس

                                          انت تقول نار يعني قصدك(شركة المتحدة للسيارات)ليش؟؟ ماتشتري من شركة الملا والبهبهاني
                                          للسيارات سياراتهم ارخص من المتحدة والقطع متوفرة (بدون طلبيه من امريكا)تلاقيه جاهزه
                                          وبعدين السيارة عمليه وبعدين  انت خراباته واجد

اثبتك العكس هو على حسب الاستخدام مثلاً:تجيب جمس بهبهاني تصدم فيه بتقول خراباته واجد!!

اذا كنت تبي الراحه في الطرق السريعه انصحك ب (رام لارامي)هوافخم رام واقوى وعلى اسعار المتحدة صار

القيرالأوتوماتيك الفرار ب170.000ريال---والقيرالأوتوماتيك التحتي ب145.000ريال---والقير الأوتوماتيك الي على الدركسون
ب95.000ريال وفيه قير على الدركسون افخم من العادي ب120.000ريال 

هذاي السعار المتحدة

                                        ملاحظه شركة الملا والبهبهاني للسيارات كانت وكيل جمس من زمان بس الحين 
                                        صار وكيل(كرايسلر---دودج---رام---جيب---موبار) 

                            ملاحظة هامه:شركة الملا والبهبهاني للسيارات ........متواجده في.....الكويت.......مهي في السعودية


up 0 down 0
عبد الرحمن الصقور -150
قبل 7 سنه و 4 شهر