اخواني ايش رايكم ب تشارج 2012 هل يوجد به عيوب مصنعيه

واحد من اخوياي في الدوام معه تشارجر ٢٠١٢ شاريه جديد مامشا الا ٧٠ الف وجا يوم من الايام بيداوم وعيا يشتغل ويطق في الوكاله ١٠ ايام ويصلحونه وبعدها ب شهرين رجعت نفس المشكله وقال ابي ابييييييعه واشتري افالون مليت منه 

السيارة نسمع عنها ولكن اصحابها هم من يفيدونك

واستخير قبل كل شي

سيارة شباابية وكلاسيكية التصميم

بالنسبة للمشاكل ما طولت مع اخي كم شهر وباعها

سيارة ممتازه

بس وكيلها مشاكله كثيره

ما اشوف شكاوى عليه كعيوب مصنعية 

والسيارة تعتمد على طريقة القيادة  

سيارات زي هذي حاول قد ما تقدر أنك تأخذ ٨ سلندر 
أقوى واقل مشاكل وأرخص قطع ( ميكانيكاً ) 

يفيدك الاخ طارق هو خبره في التشارجر..
وبكل امانه اشوف التشارجر انتشر بشكل قوي خصوصا الشكل الجديد..

وكل اللي اسمعه هو عن وكيلها السيء وعدم توفيره للقطع..

أما السياره بنفسها فما سمعت عن عيوب فيها ويشهد لها مثل ماذكرت انتشارها الواسع

التشارجر قاعد يكتسح السوق

موتر شبابي وفخامه ورخيص مقارنه بالاكورد والكامري والاوريون

والافالون والكادينزا والامبالا والماليبو و المكسيما والفورد توروس والجينسس والازيرا 

على الرغم انها اقوى من ناحيه المحرك من كل السيارات المذكوره

فعلا يعيبها القساوه زايده حبتين لكن الراحه ع الخط متوفره جدا

والاخ tariq-lv خبير في الدوج راح يفيدك بأذن الله 

انصحك تروح منتدى lx club خاص باصحاب الدودج و الكرايسلر وراح تلقى كل شي عن السياره




بالتوفيق "

الموتر ممتاز وانصحك تاخذة ومن ناحية الخربات الميكانيكية فحسب تجربتي انا وتجربت اخوياي بقروب LX club والقروبات الثانية 
لاحظت انا وكم من الاعضاء الي في القروب ان اعطال الشكل من 2011 ل 2014 هي (تقريبا) نفس الخربات الي جات بالموديلات من 2006 ل 2010 
لكن طبعا وصراحة الموتر ما يعيبه شيء وما يخرب كثير الا مع واحد (مع احترامي لكم) لاعن خير الموتر !!ولحد يتفلسف عليك ويقول حرارة ومدري ايش هذي كذبة كبيرة والحرارة ماتجي الا مع الدرفت يعني لو محافظ ما راح تجي حرارة ولا يهمك احد 
ومن ناحية قطع الغيار القطع متوفرة بالوكالة وبمحلات نجم الرمال وبالصناعية القديمة لو انت من الرياض !!

الموتر 10 على 10 موتر جبار ودودج ما عليه كلام ومن واقع تجربة خاصة ... ومبروك مقدما ولك لايك +1

انا من ملاك الدوج تشارجر 2012 مكينة 6 سلندر 

مثل ماقال اخوي fahad11-11

الموتر زي الحمدلله مافيه شي يعيبه غير شغلة وحدة وماهي ذاك الزود لكن الحساس بزيادة بيحس فيها 

الي هي صوت طقطقة بالطبلون ولكن ماتطلع الا بالشوارع التعبانة 

وبالنسبة لقطع الغيار لل6 سلندر ارخص بكثير من قطع ال 8 سلندر وانصحك تزور منتدى lx-club قسم التشارجر وتلاقي ناس تمدح وناس تذم لكن اغلب الي يذمون من غير ملاك التشارجر ( ليه مسجلين في المنتدى الله اعلم ) 

قبل كل شي استخير ياخوي والله يقدملك الي فيه الخير 

جزاكم الله كل خير 

سياره ممتازه
اكثر جوده وأقل سعر