رايكم في التشالنجر 2014 ستاندر

السيارة تغير شكلها في ٢٠١٥ وبتنزل بعد كم شهر

تكلم عن نفسك يا ابراهيم ههههههههههههههههههههههههههههههههههههههههههههه امزح امزح


فعلن المواتر هاذي ممكن تسأل فيها مستخدمينها لهم قروب خاص حقين التشالنجر والتشارجر


بس لازم تعدل على الموتر تعطيه جنوط srt وايضا تظيف له الجناح لانه ستاندر خبعه ك استخدام فيه واحد خوي واحد من اخويانا معه srt وماقد سمعته اشتكى منه بس هو ماشاء الله عليه عنده كم موتر يعني هاذا مخليه حق فله

الشكل الخارجي روعه كلاسك الى ابعد حد 
الداخليه جدا عاديه 
واذا بتاخذ خذ 8سلندر عزم و خدوم خراباته قليله وعند البيع يجيب لك قيمه 

التشارجر = هيه نفس السياره با القطع اعتقد 

من ناحيتي ماجربت الموتر . 

اسمع كثير يقولو انه حمار مكده    سمعته   من 4 اشخاص 

الصدق ماعمري شفت احد يسبه . 

ابراهيم الوزن له دور كبير في التسارع 
اعرفلك اثنيت واحد معه فكتوريا والثاني التيما 4 سلندر 
الالتيما راح قومه وخط والفرق 70 حصان لصالح الفكتوريا 

لاتاخذ ٦سلند. لانها ثقيله. خذ ٨سلند حتا لو مستعمل 

انا مجربها واعرفها زين ، يا ليت تراجع ردودي ، لانه فيه واحد نفسك سأل ورديت عليه ، او تعالي خاص واقولك وش مواصفاتها وعيوبها ، واعذروني توي واصل من خط ودايخ التركيز صفر وما ادري وش اكتب ههههههههه

ترا قوة مكينتها 292 حصان
تشيل السيارة السيدان بالراحة و القير 8 تعشيقات
يعني ما يحتاج تدعس عشان يطلع العزم
و الدفع خلفي  مريح للسيارة و للركاب
لكن احسها ضيقة و مضغوطة من داخل
هي و التوروس و الاكسبلورر الجديد
اذا كان سعرها قريب للدورانجو الدفع الخلفي الاستاندر اظن قيمته 110 آلاف
انا انصحك فيه نفس المكينة و القير و داخلية اوسع و سيارة رفيعة 

انا معي تشارجر 6 سلندر ، وحاب افيدك في كم شغله  سيارتي ماشيه 90 ألف  أكثر شيء عانيت منه شغلة الكهرباء بالسيارة  والحل انك تمدد الضمان من الوكالة وقيمته تقريبًا حول 3000 لانه لو صار شيء في السيارة ترميها عليهم وتمشي  الشغله الثانية  السيارة الصراحة مميزه بكل شيء ، قير 8 نمر ، ما تصرف بنزين ابد لدرجة انك تشك بالموتر اذا هو امريكي او لا  الشغلة الثالثة  فيها رساوة بالخط ، تخليك تجلس بالمرتبة اللي ورا من إحساسك بالامان في السرعات العاليه ، الموتر قوي ما شاء الله  فصلته فوق 230 بس ما جربت  الموتر وسيع من داخل  بس فيه مشكلة برضوا  الديكور حق التشارجر يتفكك بسرعة وتسمع صوت المرتبة برضوا ، بالنسبة لي موب مشكلة بس ما ادري عنك يالغالي  وآخر حاجه  مثل ما قلتلك ، حاول تمدد الضمان أحسن لك والتشارجر اذا ربي فكك من خربات الكهرباء فأنت موفق فيها  اذا تبي اي معلومه تواصل معي بالخاص وراح افيدك ان شاء الله  بالتوفيق  

^ هذا ردي لاحد الاخوان اللي سأل نفس سؤالك ، بدال ما تروح تدور بالردود جبته لك  ، بالتوفيق 

اخي السائل .. سبق ان فكرت ان اخذ تشالنجر وجمعت بعض المعلومات قد تفيدك :

اكتشفت ان الوكيل سيئ في توفير قطع الغيار وسعرها مبالغ فيه جدا .. راح اعطيك مثال : الشبك الامامي اللي يربط بين الشمعتين سعره يتعدى ال 3000 علما بأن الصدام سعره 2500 تقريبا راح تجد اسعار غير منطقية ابدا 

واكتشفت ايضا ان اسعار القطع الاستهلاكية مقبول نوعا ما..  امثال الفحمات و الفلاتر والجلد ... الخ 

^^ 
على كذا ﻻزم تامن شامل حتى لو يكفلك 10 اﻻف لو راحت الوجهية والخطا عليك بتضطر تبيعها بلحظتها وبحالتها 

عموما عندي قريب عنده تشالنجر اشوفها اوسع سيارة كوبيه من الخلف للان معاه تماما لها معاه سنه وكم شهر واذا تبي تستفيد اكثر عندك منتدى LX CLUB متخصصين في الدوج هم الي راح يفيدونك اتمنى اني افدتك ولو بالقليل وزي ماقلتلك منتدى LX CLUB هم متخصصين في الدوج بجميع انواعه