مساعدتكم تشارجرSRT معروض في الموقع
1
0
إضغط هنا للإخفاء
السلام عليكم
اخواني اتمنى انكم تفيدوني في تشارجر SRT موديل 2007
معروض في الموقع ماشي 100 الف
فيها رشات تجميليه على قولت راعيها
يقول المكينة انكسرت عليه من دون سابق انذار و الرجال شاك ان فيه عين في الموتر
السيارة ركب عليها مكينة جديده من الوكالة و فواتيرها موجودة و ماشي على المكينة الجديده 200 كيلو فقط
يعني لسه تمرين
و السيارة كاملة مشروطه مافيها غير جلد مقصات
نصايحكم يا اخوان كيف اسعار قطع الاس ار تي و كيف جودتها
مع العلم استخدامي هادي و مشاويري قليل يعني بيت دوام و دوام بيت ممكن طلعه اخر الاسبوع فقط
و بلنسبة للسعر الرجال يقول مسيومة 47 الف كم تتوقعون السعر اللي تستاهله لاني ما اعرف الصراحة
و شفت اخواتها على 50 و 55 تتباع
هذا رقم الاعلان 5658614
طبعا الرجال عارض الموتر في الشرقيه و انا من جدة عشان كذا استشيركم قبل ما اخسر
و اروح له على الفاضي لاني دورت في جدة الين ما صرفت النظر عن ذا النوع لان كل اللي
عندنا مكسره و ملعوب فيها لاكن هاذي عجبتني و شكلها نظيفة
و السلام عليكم ورحمة الله و بركاتة
إبلاغ
الردود
اصلا مكينه اس ارتي جديدة ماتنزل عن ٤٠ الف
1
1
السعر عاد هذا بينك وبين البائع وشوف السعر العادل لمثيلاتها
2
0
ال rt مكينتها 5.7
و ال srt8 مكينتها 6.1 ( الموديل القديم)
وقطعها غالية مو مثل قطع ار تي بالذات البودي
صدام وكبوت وكذا
لو الرجال اشترى مكينة جديدة من الوكالة بيكون سعرها ماينزل عن 30 الف ريال
يعني معقولة احد بيشتري مكينه سعرها اكثر من نص سعر السيارة!!
نصيحتي لك لاتاخذ srt8 من الموديلات القديمة لانها ملعوب فيها ولا بتلاقي النظيف
ولو حاولت تنفض عضلاتها كاملة بتدفع مبلغ مو هين
و عندك منتدى lx متخصصين ف الدوج والكرايسلر والجيب استشيرهم وشوف
3
1
تقدر تجيب لك 2011 شكل جديد ستاندر v6 ب55
ومكينة v6 قويه مايحتاج
اذا صامل على نوع srt شوف الامريكيات اسعارها ارخص من السعودي
2
1
سألته عن النقطه ذي و ما رد علي لسه
رد رقم 2
يقول انه مشتريها من الوكالة في الكويت يمكن هناك ارخص و على اي حال الفواتير موجوده و الكينه الجديده
تقدر تفرق بينها و بين وحده من التشليح مثلا لا تخاف من النقطه ذي سهل اتأكد منها
رد رقم 3
يعطيك الف عافيه
رد رقم 4
داري يا بعدي و هذا اللي انا قلته تقريبا كل اللي في معارض جدة مضروبه و ملعوب فيها لاكن هاذي شكلها نظيفه
و اذا على القطع كل السيارات قطعها سارت غالية حتى الكوري قطعه الخارجيه نار
و انا عندي خلفية عن التشارجر و مكاينها و كذا و ادري ان سعر المكينة مثل ما ذكرت
لاكن الرجال صامل يقول معاه فواتير من وكالة الملا في الكويت انه اشترى المكينة من هناك
رد رقم 5
والله ياخوي انا اللي عاجبني في ال SRT انه رياضي لو فكرت اخذ ستاندر 2011 فيه خيارات ثانيه
كثير لان ال ستاندر ماهي رياضيه لا مكينة ولا شكل
1
0
اذا عندك موتر ثاني وعندك حول ال30 الف فوق الSRT8 اشترها لان ما احد يبيعها الا قد طلع ريحتها الموتر هذا جبار يبغاله صيانه كل 3 او 4 شهور غير كذا راح تطلعلك كل يوم مصيبه تكره السياره نصيحه طقها وكاله او وخر عنها واذا ملزم تبيها خل 30 الف وحولها بالحساب للصيانه لان كل يوم بتظهر لك مشكله
2
1
اولا بخصوصها الي بالموقع اتركها بتلقى احسن وانظف ! ثانيا سعرها غالي لسيارة مغيره مكينتها ! لو ما تغيرت اقولك امكن تستاهل 50 وحولها على حسب البدي !
ثانيا لا تسمع كلام الناس الي بالمنتدى هنا ماعندهم خبر عنها بس ينقلون اخبار غير صحيحة عن السيارة !
ثالثا قطع ال 2007 تفرق كثير عن الجديدة من ناحية السعر ! اغلب الناس يحكمون على قطعها غالية بسبب الجديد!
رابعا القطع متوفرة بالوكالة وغيرها من الموزعين مثل نجم الرمال والمطيويع وانصحك تخلي الوكالة اخر شيء ترجع له بقطع الغيار !
خامسا انصحك بالسيارة بشده ولاتشيل همها اغلب جدة الشباب فاهمين السيارة فما راح تتورط فيها وجدة مليانة دودج ! والسيارة ثبات وقوة وجبارة من كل ناحية !
سادسا بخصوص العضلات ماراح تزعجك الا لو انت من النوع الي ياكل حفر ومطبات ! هذي الشيء الوحيد الي صدقوا فيه الاعضاء العضلات حقتها مزعجة شوي ! بالامانة!
......... حبيت اعلق بس على كلام بعض الاعضاء الي يقولون اصحاب ال SRT8 لاعنين سياراتهم اقولك ايه لكن مو كلهم فلا تعمم ! انا كنت بقروب LX ولكن ولا مرة درفت فيها ولا عدلتها ولا شيء ! وعندي اكثر من دليل ! فرجاء لا تعمموا على كل اصحابها لانكم كذا تظلمون ! والي بيقول شيء انا بعت ال SRT8 حقتي التشارجر قبل شهر وعندي رقم الي خذاها رح شفها بنفسك تاكد !
اغلبهم كارفينها درفت صح لكن لا تظلموا جميع ملاكها رجاء !
2
1
قبل 9 سنه و 4 شهر