قطع غيار وصيانة دودج وفلسفة الناس
3
1
إضغط هنا للإخفاء
السلام عليكم ورحمة الله وبركاته
اليوم قررت بعد كشف وتمحيص اسوي كذا شغلة في سيارتي بعد ما تبين لي الاعطال الي ضروري اصلاحها
رحت انا وزميل لي كان يقول لي اول ما شريت السيارة الله يعينك "دودج وهيمي!!"
طبعا قصده ان الدودج قطعه عقوبه ومكاين الهيمي صيانتها معقدة
دخلنا المحل وطلبت القطع الي ابغيرها واتفاجأ بخويي منصدم من الي شافه من الاسعار
طقم بواجي 16 حبة بـ 250 ريال موبار
سير مكينة موبار اصلي 75 ريال
طقم فحمات امامي وخلفي موبار بـ 530
(فيه نوع الامامي بـ400 والخلفي بـ 355 على كلام راعي المحل انها للاداء العالي)
فلتر زيت 30 ريال موبار
وبما ان سيارتي فيها صوت تكايات بلوف قلت مره وحده بشوف كم تكلف لو بغيت بعد كم شهر اصلحها
مالقيتها عند المحل لكنه قال لي سعر الطقم فوق الـ 2000 تقريبا ويقول مب متأكد بالضبط
لقيت ميكانيكي شغال في الدودج يقول بجيب الطقم من التشليح بمعرفتي وبصلحها لك بـ 1500 شاملة القطع وبعطيك ضمان
طبعا الاسعار مب بذاك الرخص ولكن دودج ماخذه سمعة غلط عند الناس ان قطع غيارها الاستهلاكية
خرافية لدرجة ان خويي الي معي كان يعتقد ان الفحمات مثلا سعرها فوق الالف !!
الشي الثاني الي لاحظته في الدودج عموما البخاخات والكويلات صناعة "مرسيدس" لصالح شركة كرايسلر!!
اغلب قطع نظام التعليق ألمانية الصنع !
يقول لي الميكانيكي الفورد F150 والرام المروحة تقريباً نفسها تركب على بعض
ويقول تركيب البواجي في مكينة الهيمي اسهل من التريتون حقت الفورد الاكسبدشن وF150
وصيانتها سهلة ما تفرق عن باقي الامريكي
الزبدة ان القطع الاستهلاكية تعتبر رخيصة
لكن قطع البدي والمقصات اغلى مافي الدودج
لذلك الناس تحب تسولف وتتفلسف
إبلاغ
الردود
0
0
قبل 7 سنه