كم تسوى التشارجر 2010 ستاندر

و الله لو تكلمت بقطع رزق الرجال الي بيبيع لك ... لكن استخير و شوف سعر اهل السوق فيها و اطرح منه حق الصدمه كامل البابين و الرش و اي شي يلحق بها 

ان شالله مافيها قطيعه رزق اخي ..هذه استشاره وماندم من استشار ..جزاك الله كل خير ولو عندك معلومات عن 
الدودج ساعدني لاني مااعرف عنها كثير 

شف وانا اخوك انا بقولك الي حصل مع خويي والكلام ذا قبل 4 شهور
يَ طويل العمر الله بارك له و اشترا تشارجر 2010 ابيض ستاندر 6 سلندر
وقدر الله و قبع فيه جاب وجهيه لين الرديتر راح بيصلحها قالوله ب 20 الف؟
المهم الرجال باعها على حالتها و تعوذ ممن ابليس و خذا له ماركيز 2008
شوف لك شيء مناسب لك لا تتهور ترا قطع التشارجر والله غالية غاليية : (
للأسف لكن من ناحية موتر موتر انا معك مايختلفون عليها اثنين لكن بالنهاية لاسمح الله صار شيء للموتر
قطعه غالية و موتر مستعمل والله وانا اخوك ماتضمن وش فيه ووش الي عليه
و والله ويشهد علي الله اني ماقلت هالكلام الا من قلب يحب لك الخير و ما ابيك تندم بعدين احسب ل الشيء مليون حساب
انا بعد مثلك بطلع موتر قبل 3 اسابع رحت ل دودج عندهم عرض كنت باخذ دودج تشارجر 2014 اسود se
و رحت شفتها انجلطت عندها ماشاءلله تبارك الله طبعاً خلصت اوراقي و كل شيء قلت خليني اخذ لفه عند سعر قطعها و كذا وطلعت شيء موب صاحي بصراحة اتوقع قطع البي ام ارخص < من باب المبالغة بس ض1
الزبدة و كنسلتها و تعوذت من ابليس قلت دامني رجآل رجلي حارة و ابي موتر قوي اروح اخذ لي اوريون 6 سلندر
اقوى من التشارجر 6 سلندر وعلى كلام واحد من العيال اقوى سيارة عندنا 6 سلندر هي الآوريون و الكوابرس بتكونها وراها بشيء بسيط ف معروف سيارة ماعليها كلام الاوريون : )
نرجع لمحور حديثتنا معليش شتلت شوي عن الموضوع ف النهاية القرار لك اذا انك مستعد وعندك ميزانية لقطع التشارجر ف انا اقولك توكل على الله والله يبارك لك
وسامحني مآلي علم ف اسعارها ومانبي نبخس سيارة الرجال
آعذرني على البربرة الزايدة
ف حفظ الله

ماقصرت ياخوي ياحسن