سيارة دودج تشارجر
3
1
إضغط هنا للإخفاء
السلام عليكم ورحمة الله وبركاته ..
اخواني الاعزاء عندي مجموعة إستفسارات اتمنى من لديه المعرفه الكافيه أن لا يبخل علي بالرد الوافي ..
الاستفسار الأول :-
انا معي سيارة دودج تشارجر V6 2009 و السيارة فيها حرارة أو سخونه من الخارج بشكل غير طبيعي ( جهة الكبوت ) و رحت عند أكثر من ميكانيكي و شيكوا عليها و كلهم قالوا لي (أن الحرارة ذي الموجوده جداً طبيعيه) فَـ ايش رأيكم أنتم ؟؟؟
الإستفسار الثاني :-
عند تشغيل السيارة اسمع صوت طقطقه خفيفه يمكن من المكينه نفسها المهم دقائق و بعدين تروح و أحياناً إذا جيت أوقف أسمع الطقطقه بالرغم أن السيارة معي زي الحلاوه ؟؟؟
الإستفسار الثالث :-
قبل ثلاثه أيام مغير المويه حق الرديتر (ماء أخضر + ماء مقطر) و سويت تسييخ للرديتر
و أشتريت كرتون ماء مقطر فيه 12 علبه و ثاني يوم الصباح فتحت الكبوت إلا و لقيت موية الرديتر ناقصه شوي
و عبيتها ماء مقطر (علبه واحده كامله) طبعاً السيارة طافيه و المكينه باردة تماماً
و اليوم اللي بعده شيكت على الرديتر لقيته ناقص مويه حاجه جداً بسيطه و عبيته طبعاً مافي تهريب أبداً
أجل تتوقعون ليش المويه تنقص مع أن الحرارة تحت النصف بشوي ؟
و الإستفسار الرابع و الأخير :-
ايش الأشياء اللي يجب علي أني أسويها من فترة إلى فترة لكي أحافظ على السيارة بشكل عام و على المكينه بشكل خاص لمدة أطول ؟؟؟
آسف جداااا ع الإطاله بس اتمنى ألاقي شخص عنده معرفه و يرشدني للطريق الصحيح و شكراً لكم .
إبلاغ
الردود
اذا جيت تعبي مويه طبعاً السيارة تكون باردة
شغل السيارة وبعدين عبي مويه
0
0
استخدم الزيت المناسب لها
لانه مكتوب على غطاء الزيت 10W30
نقص المويه معروف اذا غيرت الماء كامل لازم اليوم الي بعده تزيد النقص والسيارة بارده
0
0
ألف ألف ألف شكر لكم
فعلاً سعدت كثيراً بِـ ردكم
بارك الله فيكم و أسعدكم في الدارين
بنتظار باقي الأخوان و إفادتي بما طرح أعلاه
و شكراً لكم من القلب جميعاً
0
0
بالنسبه لنقص المويا
دائما لما اغير مويه الاديتر اعبي للاخير وبعد يوم القاه ناقص شوي ازيده وخلاص ماعد ينقص بسبب ان بعض الاجزاء مايوصلها الماء والسيارة واقفه فلما تتحرك السيارة يدخل الماء لها وينقص شوي طبعا اتكلم عن نقص جدا بسيط وماهو دايما بس مرة وحده اما اذا اكثر من مرة فيه مشكلة + الطقطقه تأكد ان الزيت هو الزيت المناسب للسيارة نفس اللزوجة والكثافة وبس الاشياء اللي لازم تسويها تجنب الحفر والمطبات القوية واذا اضطريت خذها على سرعه مخفضه
سو تصفية كاملة للسيارة كل 50 -40 الف كيلو حسب استخدامك
زيت المكينة غيره بعد 5 الاف او 3 الاف كيلو حسب نوع الزيت اللي تستخدمه زيت القير حافظ عليه ابعد عن القومات والتسارعات الشديده تجهد المكينة وتضعفها ع المدى البعيد
اسبوعيا شيك ع الزيوت وماء الاديتر اذا فيهم نقص ايضا كل اسبوع انظر تحت سيارتك لمجرد الاحتياط اذا فيه تهريب او شي وان شاء الله مافيه شي لكن للاحتياط انا روتين يومي انظر تحت السيارة واشيك ع الزيوت يوميا خلاص صار جزء
من
استخدامي للسيارة
ايضا انتبه للفحمات تراها تستهلك لاتفتخر بانك ماغيرتها لفتره طويله لانها لاقدر الله قد تودي بحياتك لو كانت معدومة وانتبه لزيت الدركسون والفرامل اذا نقصوا زيدهم وانا من الناس اللي افل تغييرهم بعد مدة رغم ان الكثر يقولون زيدهم بس.....
قيادة امنة ي عزيزي وانتبه من شوارعنا والله لايوريك مكروه في نفسك او سيارتك
0
0
من ناحية الحرارة فهذا طبيعي حتى بعض السيارات ماتقدر تحط بدك على الكبوت من شدة الحرارة اهم شي عندك امبير الحرارة طبيعي.
من ناحية النقص في الموية اما في تهريب خفيف جدا قد لاتلاحظه يعني تنقيط خفيف وليس تسرب مستمر واحتمال يكون من الرديتر بس صعب تلاحظه .
الطقطقة مع بداية التشغيل احتمال من البلوف تكون جافة اول ماتشغل السيارة وتختفي بعد مايمر عليها الزبت وهذا شي طبيعي في كثير من السيارات.
للمحافظة تابع الصينة الدورية لتغيير الزيوت والفلاتر وتفقد موية الرديتر باستمرام مرة في الاسبوع خصوصا في الصيف وغير القطع الستهلاكية حسب الاستعمال او حسب الممشى بالكيلو.
قبل 9 سنه و 3 شهر