تغير فحمات وهوبات الوكالة إلى سراميك

8 4

لايمكنك التصويت حتى الحصول على 20 نقطة على الأقل
إضغط هنا للإخفاء

شبح 600 sel 6082
قبل 8 سنه و 7 شهر

بسم الله الرحمن الرحيم
السلام عليكم ورحمة الله وبركاته
عساكم على القوه ياشباب وزي ماتعودنا نفيد ونستفيد من بعض في هذا المنتدى اللي عرفنا على رجال ونعم وينحطون على الراس والجميع مكملين لبعض وفينا الخير والبركه لبعض ان شاء الله
اليوم راح اسوي لكم تقرير بسيط ان شاء الله يفيدكم وهو مهم بجدا بخصوص تغير الفرامل الوكاله الى رياضيه من نوع ( سيراميك ) 


أول شيء %90 من ملاك دودج و كرايسلر فئات ( 5.7 ) يشتكون من رجة الفرامل صوت التصفير عدم التماسك اصوات خشخشه ومع العلم ان البعض ماكمل 1000 كم من طلع السياره , السبب يعود ان الهوب نفسه رديء الصناعه !! وحتى في امريكا اغلبهم يسبون هوب الوكاله وفحماته والسبب ان صناعته رديئه !! إحنا كشعب سعودي الواحد في يده موتر ماشاء الله لا اله الا الله تلاقيه 24 ساعه طاير ومستعجل وهو ماوراه شيء !
حتى لو معاه اكسنت تلاقيه مستنزل وطربان ومعطيها طبلون تقرير عن تغيير فحمات وهوبات عسى ربي يحمينا جميعا


ثاني شيء قصتي بدت مع الفرامل هذي من سيارتي مشت 8 الاف كم ! ورحت الوكاله وخرط وقماش جديد على حساب الوكاله قبل 20 الف كم وبعد 20 الف كم تتبدل على حساب المالك !!
خرطتهم وغيرتهم وبما ان كان معي فورد كراون فيكتوريا صار بيدي RT 2014

 وصرت ادعس ولا احسب حساب القماش صرت تقريبا كل 25 الف او 3 شهور استبدل قماشات واخرط الهوبات لان طبقة الهوب تشطبت من المسك الاحتكاك
وصلت المرحله اني صرت هوائيات وكام وصارت السياره ماشاء الله عزمها جبار وانا مازلت بهوب الوكاله ! في يوم من الايام ابي امسك فرامل مسكت معي وفجأه فلتت !!

 ولا عاد فيه مسك او اي شيء يرد السياره وربك ستر ان الخط فاضي وقدرت اهدي بالداون شفت اللي هو تقصير النمر بالقير ! وكنت على سرعة 230 كم !
نزلت اطالع فالهوبات واحد منهم انشطب وانفك بالكامل زي البطيخه !!

 يعني الحمد لله اللي ماسكه مسامير الهوب ولا كان تسبب لي بأضرار اخرى
بحث في اكثر من موقع اجنبي وحصلت هالنوع من اقمشه وهوبات اسمها Raybestos ( سيراميك ) وتجيك مخرمه وفيها فتحات تهويه 
وصرت ابحث عن مندوب او وكيل لهم بالسعوديه والحمد لله حصلتهم واشتريتهم بمبلغ جدا حلو وسعرهم 2600 ريال الطقم عباره عن :-

4 اقمشه سيراميك اماميه وخلفيه ,
 4 هوبات اماميه وخلفيه ! وتوكلت على الله وركبتهم ب 200 ريال

 وصار السعر 2800

وقت التركيب جلست اقرا في معلومات البريكات وحصلت تنبيهات جدا مهمه كنت ممكن اغفل عنها

اول ماتركب الهوبات والقماشات يكون مشيك عليهم خفيف وماتقرص للهوبات والقماشات بقوه عشان الطبقه العازله فالبدايه تروح وبعدين يبدا مفعول الاداء
ثاني شيء بعد يومين من تمرين القماشات والهوبات تروح مغسلة سيارات وتكون بارده القماشات والهوبات وترشهم بمويه قويه جدا لاكن حذاري
تكون بارده بارده بارده !!

وبعد كذا تروح تخلص يومك وترجع ترشهم ببخاخ يوجد بديل منه فالسعوديه صورته اسفل 

وتمشي مشيك طبيعي وبعدا كذا تقول بسم الله يالطبلون وتعيش وانت مرتاح ومبسوط

انا الان كملت عليهم شهر بعد مامشيت على التنبيهات اللي بوصف المنتج
*
تقدر تركبهم عند بنشري تثق فيه وشغله نظيف لانه مش اختراع !!


اللي لاحظته من بعد اسبوع ولله الحمد اشياء كثيير جدا وهي :-

1- استجابه بنسبة %99 بالميه عن الوكاله

2- فيها فتحات تهويه تبرد على الهوب والقماش

3- لمن تكبس فرامل فجأه ماتسمع الصوت المزعج ررررررررر بالعكس هذي توقف قبل تسمعه

4- من سرعة 200-0 في اقل من 30 ثانيه 

5- مافي اي صوت تصفير او احتكاك !

6- ادائها جدا بطل ومرضي ومقنع تماما وسعرهم فيهم


أتمنى ان الموضوع يفيدكم والواحد ياخذ بأسباب السلامه والله يحفظنا جميا من كل شر ومكروه

إبلاغ

الردود