كم سعر دودج تشارجر 2006 6v استاندر الله لايهينكم

حسب اعتقادي سعرها ما بين 18 الى 21 الف و الممشى ما بين 200 الى 300 الف

وش تبغى بسيارة الهمج والدشير ، والله ما ياخذها واحد به الرحمن ، دائماً نشوفها مع ناس متهورين ولا يشوفون الناس قدامهم شيء . 

يعطيك العافية اخوي , لكن هل هو اعتقاد ولا السعر في السوق , اشوف إعلانات هنا أصحابها يطلبون فوق 30 ألف ريال !!!

اذا بتاخذ ست سلندر تأكد من حجم المكينة
هي حجمها  3.5 اللي نزلت من الوكيل
 لكن بعض الاستخدام الامريكي حجم المكينه 2.7
و لا له قطع غيار عند الوكيل
و اكثر الامريكي مثل السعودي 3.5 V6

30 بمكوته وش 30 على ستاندر و 2006 

لقيت كابرس 2005 بالمعارض قبل اسبوع ss و مصدوم مسمكر سمكرة مثل وجهه واضحه و وقفته خايسة

و طالب فيه 37 الف 

ماهو كل من طلب سعر يدفعون له 

النهراني 190

والله وانا اخوك ميزانيتي محدودة وانا طالب , والسيارة قويّة وشكلها عجبني , مواصفات مع سعر مناسب , ولو تقدر تقترح سيارة مشابهه بسعر مناسب أكون شاكر

ويعطيك العافية

يا حبيبي ما عليك من النهراني

سيارة عجبتك اشتريها واركب على ذوقك ومتع نفسك

طالما السياره تعتبر الى حد ما عملية و شعبية فما عليك خوف خذها 

أبو نجوي
الأسعار كم تقريباً ؟!


و شكراً ما قصرت وربّي يوفقك

التركي

صحيح اخوي , السيارة اشوفها مناسبة جداً

شكراً حبيبي ما قصرت

ما دامك طالب ابتعد عن الشكل
 و شف لك من المنتشر و اللي قطعه رخيصه و صيانته سهله
من الكوري و الياباني

انت كم المبلغ اللي متوفر معك جاهز بنقترح عليك
و من أي مدينة بتشتري ترا الأسعار متفاوت
ه و المستعمل حسب نظافته و ظروف راعيه مستعجل بيرخص او ما عنده مشكلة
بعضهم ينتظر يبيع اغلى من سعر السوق

أبو نجوي

الحد 20 ألف
لكن ترا الشكل عندي مهم , وأنا بستخدم السيارة يعني مو هامني تمسك سعر وكذا .
في الدمام أو الرياض , ما عندي مشكلة في المكان .

اقتراحاتك !؟

اقول هج منها بس 
اذا يمديك على 2011 خذها
 اسعارها على 40 الف 
ولو تحصل وحدة ماشية فوق ال200 الف بتحصلها بين 35 الى 38 
افضلك من 2006 قديمة وقدها انهلكت ومابتحصل ممشى اقل من 200 
 خذ موديل حديث على الاقل 

شوف لك سيارة اقتصادية ومناسبة لوضعك الحالي كونك طالب 

الدودج مشكلتها في الصيانة وقطع الغيار مكلفة ، وكونك طلبت أن نقترح عليك سيارة مناسبة 

عندك الكامري والآلنترا والاكسنت كلها سيارات منتشرة وصيانتها سهلة . 

ما ودي احطمك 
لكن ب20 الف مالظاهر تلقى نظيف
و البيع و الشراء توافيق من الله

لكن بما انك طالب شف لك سيارة حديثة 2010 و فوق
و ان كانت اصغر مش حالك
حتى ممكن البنزين بيرتفع سعره
و بترتفع اسعارها  المستعمل قبل الجديد
كثير من المواضيع بالمنتدى بتفيدك 
بالتوفيق

والله طلاب الجامعه حتى البنزين يشيلوا همه شوف لك سياره ماتخرب وتطلب قطع دور لك سياره اربع سلندر والسيارات الكبيره ملحوق عليها

الي اعرفه قطعهااا ناار 

نصيحة لاتستهون بشغلة القطع 
خصوصا انك بتاخذ مستخدم 
اشور عليك تشوف اسعار قطعها الاستهلاكية 
واذا كان تقدر عليها توكل على الله 
ترا كلامي مهم والله يوفقك

بعنا وحدة ممتازة ونظيفة 2007 ستاندر بــــ20 ألف ،،،
معارض الشفا بالرياض

النترا وكرف امها قطع بلاش وصدقني تتحمل معاك لين ماتتزوج هههههههههههه

يعطيك العافية أبو أحمد
يعني يا أخوان حدها يكون 20 ! ؟

الله يكتب اللي فيه الخير

راجع اعلاني اخوي sir.shaki وان شاء الله ما راح نختلف