سؤال تشارجر 2011

السيارة التعبانه من الدرفت بتحصل فيها مشاكل فالدريكسون وفالفرامل

غير ان بطانة الكفرات الخلفيه بتكون مقطعه او مفكوكة

اخر شي موب شرط اغلبهم درفت لان هاذي ار تي موب اس ار تي يعني اهل الخطوط ياخذونها عادي

دورلك جنسس مستعمل ممشاه اقل من 100الف عالاقل يجي معه ضمان صيانه مجانية

لكن اذا ملزم علتشارجر ترى ماتقدر تعرف اذا جاه تفحيط او لاء

^ قصدك الشكل الفاشل من الجنسس !!!

مافيه اي مقارنه مع التشارجر لسه لو تقول جنسس 15 كان اهون



وترا الصيانة 3 سنوات او 100 الف كيلو موب 100 الف كيلو في عشر سنوات

يمعالم التقنيه حاول تكتب مواضيع عشان نقدر نقيمك لان والله
حسافه عضو مثلك تطير نقاطه

افحص الموتر كامل عضلاته زينة اشخفه مافيه أي مشاكل رجة مراوات

ونظيف وسعره زين ووقفته حلوة توكل على الله واشتر


هذي الخلاصة ، مافيه احد يقدر يضمن لك ان راعيه الاول مادعس له دعسة ولا دعستين مهب شرط درفته وخربطة

انت وهو انت بنفسك بكرة لاخذيته يمكن تجيك لحظة تتفلت اما زعلان ولا انطربت بتلزخه شوي


يعني من ذي بيخرب على طول ترى مهب لعبة سيارة ماعليها الا العافية


اهم ماعليك اجمالي الموتر بشكل عام ممتاز وكل الله ، لاتعقدها من البداية لأنك بتتعب


تحياتي لك

خذ كرايسلر اكشخ وعادة الي يسوقها يكون عاقل مو همجي وراعي تفحيط وسرعه ، بسهولة تحصل النظيف اذا خالية من الحوداث وبنظري شكلها رزة وكشخه اكثر من الدوج وترى ارغب في البيع

من ناحية الكرايسلر افضل فهذي لاشك وصدقت فيها يا العريني لكن ماحبيت اذكرها يمكن الرجال يحب التشارجر اكثر او راغبه


شي راجع له مانقدر نلزمه لكن خيار الاخ العريني خيار جيد الكرايسلر

مشكلة الكرايسلر قطعها اغلى من التشارجر وابشر يالغالي خالد ___الرياض نحاول نشوف موضوع منا ولا منا

وترا موب شرط راعي الكرايسلر يكون عاقل

عندنا فالحي تقريبا 5 كرايسلر لون اسود ومكتم وانواع التفحيط كفراتهم كل يوم ممسوحة

مافيه زي الجديد