دوج تشارجر

http://www.sls.gov.sa/Pages/ar/Consumer/UsedVehicles.aspx
إدخل على الرابط موقع بطاقة كفاءة الطاقه
واستعلم عن السياره مسموحه أو لا
موفق بإذن الله

الدوج التشارجر والكلزلر الثمانية سلندر مايدخل 
واذا بغيت مالك الا مستعمل ماشي الف كيلو او اقل هذا النظام الجديد
ادخل على هيئة المواصفات والمقايس واتاكد بنفسك 

اخوي hجراد مكتوب غير مطابق حسبنا الله ونعم الوكيل 
بعدين وش تقصد في اشتريها ماشية الف كيلو او اقل ؟

اذا موديل السنه وماشة اقل من 1000 كيلو تدخل فقد في هذي الحاله

والله غريبه 
واحد من الزملاء شاري شالنجر
موديل 2015 من الامارات 
داخل عادي ومجمرك وطلع لوحات
المواصفات والمقايس اهم شي لا يكون 
مصدوم او ملحم او طالعه الارباكات
ماله علاقه بصرفيه البنزين
فقط للسيارات الجديده الاصفار
المستعمل مايدققون فيها 
اهم شي نفس موديل السنه او الي قبل
وخذ العلم الاكيد
.

السلام عليكم 
اخوي ماجد ارجوا التاكد من هيئة المواصفات والمقايس واتاكد بنفسك
او امكن خويك شراها قبل القرار الجديد
الله يوفقك

تدخل في حاله اما انك مطلعها اصفار او انها ماشيه اقل من 1000 في ذي الحاله تعتبر جديده 

قرار ضالم  حسبي الله عليهم ونعم الوكيل

ابي افهم وش دخلهم اذا يصرف الموتر او لا انا معاي فلوس حر عساه كل يوم ياخذ ٥٠ هذي مخباي وانا حر سبحان الله !! 

ليش التضييق هذا ؟؟ 

يعني السيارة نفسها تباع هنا 

ليش ممنوعة من برا وش التناقض ذا 

لا أقول الا حسبي الله ونعم الوكيل صرفية الدوج تشارجر 10.6 
صرفية الكامري 9.7 
الفرق بسيط جدا جدا 
لاكن العقول تعبانة

ولاتحسب المواطن هو المستفيد لالا 
المستفيد الوكيل فقط انت يامواطن حبيت تشتري دودج تشارجر R/T موديل 2013 من السوق الامريكي ولقيتها بـ 40 الف ريال ومع الشحن والجمارك تكلفك 48 الف ريال ... ماتقدر تستوردها لانها التشارجر لاتناسب عيار اقتصاد الوقود فمالك الا خيارين .. الخيار الاول شراء سيارة مستعمله من السوق السعودي والجميع يعلم السيارات المستعمله كيف مهربده ومكسره وحفر وصدمات وسعرها لن يقل عن 60 الف ريال .. والخيار الثاني وهو الخيار الى تبيه هيئة المواصفات والمقاييس هو الاتجاه الى سيارات الوكيل واخذ قرض والشراء منهم وسعرها بالوكيل جديده 148 الف ...