هل التأمين سيتثنا؟

بتدفعها أضرار الطرف الثاني من جيبك يا صديقي  التأمين مايشملك لأن رخصتك منتهيه

نعم دام رخصتك منتهية تسقط المسؤولية عن التأمين
و تتحمل أنت التكاليف 
أعانك الله

ما يمديك تجددها الاحد اذا ما في اثبات وقت الحادث ان رخصتك منتهية
شف لك مخرج الله يسهل عليك 

جدد رخصتك عن طريق ابشر واستلمها من أقرب مرور عندهم طباعه رخص


الاستماره بالعاده مالها دخل وان شاء الله تمشي الامور

الحين اذا جددت الرخصة ، التأمين ما ينظر في تاريخ اصدار الرخصة ؟

ماراح  تستفيد اذا الحادث مباشره نجم لانه صور رخصتك 
وراحت لشركه التامين اذا هي مرور اسهل جددها وودها لهم

للاسف المباشر نجم

لا تسمع كلام اللي يقولك رح جددها لاتاكل حرام ياولدي

سرق ونهب عليهم مايستحقون..
والا بالله وش علاقة التأمين في مالك السياره مجدد رخصته
أو لا..!!خصوصا انك انت كشركة تأمين تاخذ فلوسك كامله بداية
العقد
جالس أدور حكمه من ورى هذا الشرط مالقيت الا انهم يدورون
أقرب عذر علشان يحملون  صاحب السياره

نظام يهود أعوذ بالله

الله يعينك يا صاحب الموضوع

والله صادق نظام يهودي 

اذا ما معي رخصة اتفق معاهم 

لكن معي بس منتهية 

الحمد الله على كل حال 

ياخي دام معك رخصة المفروض
يلزمون بالدفعععععع

وش علاقتهم بانتهااء الرخصة
حسبي الله عليهمم

الحمدلله ع السلامه 
اعانك الله 
اذا كان يشملك حط في بالك نسبه تحمل وهي ( 2500 ) 
واذا م كان يشملك راح تصلح سياره الطرف الثاني 


لكن جرب انت ممكن الله يسهلها لك 
تروح بعد م يمر ع الحادث ب48 ساعه 
المبنى اذا كنت في الرياض حي الملز شارع الجامعه مقابل ماكدونالدز
مبنى قزاز الدور الثاني 
تروح هناك تفتح مطالبة وراح يبين لك يشملك او لا 



واذا مشوها لك انشب لهم افتح مطالبة وتراجعهم يعطونك امر ادخال للوكاله 
وانشب للوكاله تعطيك تسعيره القطع وتروح تسلمها للتامين 
يرسلون مندوب يشوف الاضرار ويعطونك ورقه اعتماد للمبلغ تعطيها الوكاله 
يبدون يشتغلون فيها واذا خلصت منها تروح الوكاله يعطونك امر بانتهاء السياره تروح 
للتامين تسلمهم ورقه الانتهاء يقولك راجعنا بعد يومين 
تاخذ الشيك 
تسلم الشيك للوكاله وتتدفع نسبه التحمل وتستلم سيارتكك 



للاسف صارت نسبه التحمل 2500 


معليش طولت عليك 
لكن صار علي حادث وهذه الاجرائات اللي صارت علي
وباذن الله الله يسهلها عليك ويمشونها لك التامين

لا ماراح تتحمل شي للطرف الاخر نهائياً 
كل اللي بتتحمله غرامه على انتهاء رخصة القياده حوالي 1500 ريال
واما الاستماره بيطلبون منك برنت من المرور 

يعني بتتحمل كالتالي : 2000 او 2500 قيمة تحمل + غرامة انتهاء رخصه 1500
+ اذا قدرت سيارتك تالف راح تتحمل نسبة حوالي 10 في المية من قيمة السياره . 

شرط التامين رخصه ساريه المفعول
اما اللي يقول وش دخل التامين بتجديد الرخصه
هذا بالدول المتقدمه موب عند ربعنا موب على كل حال انك تجدد الرخصه لان المخالفات بنقاط ممكن تتوقف عن القياده سنتين اومدى االحياه
فاستخراج الرخصه المره الاولى مايعطيك الحق بالنسبه للتامين

غير عن النقاط فيه
شخص مثلا صار له مرض معين الرخصه شروط تجديدها الفحص الطبي فمثلا قيادتك راح يأثر على التامين مثل اللي انصرع بالدائري الشمالي قبل فتره وصدم كم سياره ,.