أضف سؤال أو موضوع جديد          

استفسار هل البنزين مغشوش

up 5 down 2
rak1999 157
قبل سنه و 6 شهر



بسم الله الرحمن الرحيم 

الرحيم 
السلام عليكم ورحمة الله وبركاته 

اخواني انا معي تشارجر ولها معي اربع أشهر ولله الحمد
وما لاحظت شي الحمدلله وفِي محطة دايم اعبي منها وتمام اخر مره قبل ثلاث ايّام رحت وفللت ورجعت البيت وجئت شغلت السيارة في الليل الا جات نفضه (رجه) وهي تحتمي والنفضه واضحة مره أخذت ثانيتين كذا واختفت وتتكرر كل ما اشغل السيارة لكن صارت تجي اخف واحيانا ماتطلع المهم واليوم وانا راجع للبيت الظهر هديت عشان أخذ اللفه الا السيارة بغت تطفي ودعست بنزين واختفت الوجه وماجات 
فا هل تتوقعون البنزين مغشوش او السيارة فيها شيء السيارة 
والله يعطيكم العافية







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اتوقع ماله علاقه البنزين. 

قد صارت معي من فتره.  صارت لي مرتين. 

وطلعت المشكله. من حساس الهواء. ورحت نظفته 
وغيرت فلتر الهواء. وانحلت المشكله. 

يمكن مشكلتك نفس الشي. او شي ثاني الله اعلم. 

لإن الايام هذي غبار. يمكن. الحساس. داخله غبار. 

موقع الحساس. قريب من الثروتل. بوابه الهواء. لها مسميات 

كثيره.  والحساس. اسمه منظم الهوا. او حساس الهواء 

والاخوان يفيدونك ان شاء الله


up 1 down 0



الله يعطيك العافية ان شاء الله يكون شيء خفيف

و ننتظر آراء الاخوان الباقين 


up 0 down 0
rak1999 157
قبل سنه و 6 شهر



صارت معي بس فياقرا 2005 . مجرد مايجي غبار تبدا السياره تتنافض بشكل جنوني واذا دعست بنزين تروح النفضه او الرجه. والسبب من الايرماس وممراته . بم0رد بخ مزيل الشحوم تروح..نصيحه كبدايه روح محل زيوت وخله ينفض المكينه بالهواء ممكن تكون عوالق ترابيه بالداخل. 


up 0 down 0
midnight_963 524
قبل سنه و 6 شهر



ي رجال انا مره عبيت بنزين مغشوش 
فبليزر 
قسم بالله السياره قلبت حمار 
تنتع وتطرطع الكنداسه وتكتم احيان 
ولا راحت المشاكل ذي الا يوم خلصت البنزين وعبيت من جديد فمحطه ثانيه


up 1 down 0
hack1 2915
قبل سنه و 6 شهر



السلام عليكم

وش نوع البنزين الي تعبية ؟؟؟ هل هو 95 او 92
هذا صار لواحد من خويي معه فورد فيوجن ، عبى بانزين 95 وبدت تخف الرجة لين اختفت


up 1 down 0
moha1407 153
قبل سنه و 6 شهر



فعلا كلام موها صحيح ^^

انا عندي اكسبدشن 8 سلندر

كنت اعبيه 91 من اول ماخرج من الوكاله لمده سنتين

ولكن لاحظت رجه خفيفه وانا واقف عند الاشاره او انتظر بالسياره

وحولت البنزين الى 95

وخفت الرجه بشكل تدريجي والحمد لله الحين لا تكاد تذكر

والرجه الخفيفه جدا طبيعيه ( عداد الار بي ام يطلع بشكل خفيف جدا ومو ملاحظ ) طبيعي جدا بال8 سلندر عند الوقوف لفتره




up 0 down 1
ابوخالد1397 2438
قبل سنه و 6 شهر



انا معي مفس موترك مطلعه جديد قبل فتره وقفت في احد محطات الخطوط طريق الدمام و عبيت بعد مسافة ١٠٠ كيلو حسيت الموتر اذا وقفت فقط  ينفض او اذا كنت واقف و ثمن عطيته دعسه ابمشي يتفتف خفيف
ولا راحة الا يوم خلص البانزين و عبيته في محطة جنب بيتنا ممتازة 


up 0 down 0
الفارس المتألق 186
قبل سنه و 6 شهر



للعلم كنت معبي ٩٥ 


up 0 down 1
الفارس المتألق 186
قبل سنه و 6 شهر



انا اعبي ٩١ اللي عندي ٦ سلندر 
والمشكلة ما جات الا بعد ما عبيت البنزين 
ومعبي فل بعد الله يعين بس 


up 0 down 1
rak1999 157
قبل سنه و 6 شهر



صارت مع واحد اعرفه معه تشارجر v8 rt
بس المشكله تختلف اذا نزل عن الربع بدا الموتر يقطع لدرجه تحس القير بينكسر 
وعبينها بنزين وضبطت والى الحين اذا قريت تولع اللمبه البنزين اذا دست لها تقطع 
الي عنده خبره يفيدنا 


up 0 down 0
شمهرووش 143
قبل سنه و 6 شهر



قريت = قربت *******


up 0 down 0
شمهرووش 143
قبل سنه و 6 شهر



افضل شي تعبي من المحطات المعروفة
مثل الدريس ونفط


up 1 down 0
mfh2009 201
قبل سنه و 6 شهر



اكثر المحطات يخلطون البنزين يا احمر ب اخضر او بكيروسين او زيت فرامل التجاري او بزيت الدركسون الاحمر التجاري ولا حولك احد وكلها ماتضر الابعض السيارات تكون حساسة لها الشي احد الميكانيكيين سعودي كان عندي تفتفه وقالي حط العلبه الصغيرة من زيت الدركسون التجاري في التانكي وانت ماسك خط بينظف لك مجاري وليات البنزين لان نسبة الكيروسين فيه عالية


up 0 down 0
بريق الرياض 260
قبل سنه و 6 شهر



انصح الجميع يعبون بنزين في محطات شركات كبرى فقط مثل ساسكو ، التسهيلات، نفط ، 
لتر ، سهل 


up 0 down 0
جاسر ابو يوسف 50
قبل سنه و 6 شهر



الله يسلمك اللي انا معبي منها محطة سهل 


up 0 down 0
rak1999 157
قبل سنه و 6 شهر