استشارة هل تنصحوني اشتري سيارة

ملحوق على السيارات يابعدي
كون وضبط نفسك واتعب واشقى
ودام معك موتر ونضيف خلك علية
والفلوس الي معك لو تفكر صح بتجيب دبلها

يا اخوي ما انصحك تبيعها الكامري اوفرلك بكثير من تشارجر من ناحية مصروف السيارة بشكل عام

تبغى الكلام الاكيد 
اذا انت قد الاستثمار صدق فوالله انه حل بططل بططل 
لكن اذا تشوف نفسك 
ما عندك سالفه في التجارة ويمكن تضيع عليك الثلاثين الف على الفاضي 

فخل الفلوس في حساب بدون صراف حفاظا عليها 
او عطها امك فقط تحتفظ فيها 

واذا ما بتعطي احد وبتخليها معك 
وكل شوي تسرق منها الف الفين لين تخلصها 

فلاوالله اشتر لك سيارة قبل تخلص فلوسك في اشياء عادية 

كان معي ٢٥ الف 
وكل شوي اخذ ١٠٠ ٢٠٠ او الف او ٥٠٠ 
فجاة ما انتبهت الا وقدهي ١٤ الف 
فجاة قدهي ٩ الاف 
فجاة خلصت ههههه 

ندمت والله 

دام عندك سيارة نظيفة احفظ دراهمك، واذا لك بالإستثمار فتوكل على الله

لاتدور للكماليات واحفظ فلوسك ليومك الاسود ومادام السيارة سليمة وتؤدي غرضها خلك عليها وحافظ عليها

عز الطلب كامري 2009 وش لك في التشارجر حرارة ومرض تشتريها ب 50 تبيعها ب 20 الف احفظ ريالك وشغله بتربح قيمه التشارجر 10 مرات

نصيحة ابعد عن التشارجر ٨ سلندر تصرف بنزين واجد خلك على موترك افضل

انا كانت معي ٦ سلندر شريتها شهر ٥  وبعتها في رمضان قبل شهرين والكامري كانت معي قبل اشتري الدوج وبعت الدوج ورجعت للكامري وشكلي ب اخليها معي 
والله يعطيكم العافية 

استثمرها بالبداية بمشروع صغير بأقل التكاليف واشتغل واذا توفقت توسع وهكذا لاحق على المواتر والكامري خدومه وحليله نصيحة اشتغل بفلوسك ولاتضيعها