أضف سؤال أو موضوع جديد          

تشارجر 2013 6 سلندر ستاندر سعودي المتحدة

up 0 down 1
mmsao_2018 35
قبل سنه و 3 شهر



اخواني الافاضل
وش رايكم بسيارة تشارجر 2013 6 سلندر ستاندر سعودي المتحدة
الممشى: 75500 كيلو فقط يوجد فيها عيب صدمة في الرفرف الامامي الايمن
وتم تغيير الرفرف والكبوت والصدام بدون فتح الايرباج تم تعديل الشاسيه من الامام
اولاً سعر السيارة 42000 اقساط تنصحوني فيها ولا ابعد
وجود تعديل في الشاسيه هل يوثر على السيارة من عزم وحركة
وحتى لو شريت وفكرت ابيع هل موضوع بيع السيارة سهل بوجود تعديل في الشاسيه
افيدوني رحم الله والديكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ابعد 

تلقى افضل ولاتغرك العروض ولا تستعجل 

الله يوفقك 


up 1 down 0
غريب الدار 079 104
قبل سنه و 3 شهر



تعديل الشاسيه يختلف مثلا اذا راس الشاسيه مايعتبر ذيك المشكلة , بس اذا كان التعديل من النص انتبه لان وزنية النص ماترجع 100% مهما صار وتبقى فيها انحراف لو بسيط . افحص القير والمكينة وعمود الكردان , وشوف استجابة السيارة امش عليها الى 160 عشان يبين معك هربده او لا , اوزن انحراف العجلات فصفص ابوه عشان تضمن ان الموتر سليم ,


up 1 down 0
f.az 55
قبل سنه و 3 شهر



أولا أي سياره معدل شاصيها أبعد عنها من تجربة شخصيه حتى ولو كان تعديلها كبر كف يدك ثانيا السته سلندر تجي نوعين حجم الماكينه 2700 cc و 3500 والثمانية سلندر نوعين وبالنسبة لمشاكلها أكثرها كهربائية لكن قير ماكينة ورساوه لايعلى عليها وبالنسبه للوكيل تعبان وفاشل


up 1 down 2
aliexendr_8 102
قبل سنه و 3 شهر



لا توهق نفسك فيها صدمته قوية و وكبل سيء 
أيضا بيعتها صعبة جدا مع الصدمة هذي 


up 0 down 0
أبو راشد 33 916
قبل سنه و 3 شهر



هذا الموتر حتى لو مافيه صدمه ونظيف جدا يناخف منه ليس عيب في السياره انما الوكيل اغلب القطع الغيار تجي طلبيه وانتظار بالاسبوع والاسبوعين واسعارها اقل غالي بحكم انه جايبها لك طلبيه
ومافيه قطع الاوكاله فقط وتعرف قطع الوكاله كيف اسعارها دبلين السعر لو كانت القطعه عند موزع معتمد


up 1 down 0
Pro rare 451
قبل سنه و 3 شهر



دام فيها تعديل شاصيه والضربه واصله الشاصيه 
نصيحتي لك ابعد عنها ، بكرا تقعد توسوس بالسياره
بالمنعطفات او وانت تمشي تحسها تلعب مو مظبوطه

تبي شي يخدم خذلك شي نظيف صدوم بدي فقط مايضر


up 1 down 0
wooow.r 156
قبل سنه و 3 شهر



الله يجزاكم خير جميعاً


up 0 down 0
mmsao_2018 35
قبل سنه و 3 شهر



اخوي
السياره هذي بطله وتجذب الواحد
لاكن مدام فيها عله في الشاصي مانصحك
لان لو انحراف بسيط فيه بيأثر ع وزنيه السياره وهالشيء بيتعب فعلا
دور لك واحد نضيف
وعلى فكره ترى ال6 سلندر بطله كأداء ونفس الوقت صرفيتها جدا جدا ممتازه
والمحرك من 2011 وهي 3.6 المسمى بنتستار هذا محرك ناجح 100%



up 0 down 0
م.داحم 72
قبل سنه و 3 شهر