أضف سؤال أو موضوع جديد          

نفضه او رجه في مكينة تشارجر

up 3 down 0
ااببوو ررااششدد 27
قبل 11 شهر و 4 أسبوع



السلام عليكـم و رحمة الله و بركاته

سيارتي تشارجر موديل 2015 سته سلنــدر .. ضمانها ل ستين كيلو
المهم بعد مامشيتها 63 الف كيلو جاتني رجه و نفضه قويه من يوم أشغلها
وديتها لصناعية الثقبه و قالو لي بواجي
و فعلًا السياره فيها سته بواجي كان فيها بوجي رقم 6 مايع من فوق و انحرق

المهم غيرتها و مشيت عليها الين اليوم و كان ممشاها 93 الف
يعني 30 الف من اخر مره غيرت البواجي و جاتني نفس النفضه بالضبط
مريت الصناعيه و رحت لمكان فيه فلبيني يشتغل و سوداني مديره متخصصين بالدودج

قلت له عن السالفه و فعلًا فك البواجي و طلع نفسه رقم 6 خربان و مايع بنفس الحاله
جاك ركب جهاز برشر ضغط مثل جهاز قياس ضغط الكفر و دخله بالست فتحات
كلها تقريبًا سليمه ضغطها حول 120 الا رقم سته كان الضغط داخله صفر بالضبط
قال هذا مشكله الفالف داخل المكينه فيه شيء لازم نفكه ونسنفره و نوديه المخرطه و نركب اثنين فالف جديده و بصراحه ماعندي خبره هل بيفك المكينه او الرأس + وش الفرق لو فك الراس او المكينه خبرتي قليله

المهم قلت له بركب بواجي جديده مثل اخر مره يمكن تمشيني 30 الف لين أدبر فلوس

توكلنا و ركب البواجي الجديده و المفأجاة يوم ركبها نفس الرجه ماراحت
قال لي الفلبيني خلاص لازم الفالف نفكه
المهم حاسبته و مشيت و رحت لواحد فلسطيني او سوري اسمه نضال بالخضريه يمدحونه

جيته و ماشيك بس شرحت له البرشر و الضغط و قال لي هذا الفالف داخل
اصلًا من يوم شاف البواجي قال لي كويل بس مدري عنه ما عمره اشتغل على نفس سيارتي

اما ذولاك متخصصين دوج بس أغلط منه و ماقد سمعت عنهم
نضال الفلسطيني مدحه لي واحد و ارخص منهم ب شوي

ذولاك قالو لي شغل اليد 1700 بدون قطع الغيار و المخرطه
نضال قال لي 1200 بدون قطع الغيار و المخرطه

الزبده اللي مرت عليه المشكله او عنده حل او عنده ميكانيكي ممتاز بالدمام بالخضريه الصناعيه يدلني عليــه و اذا عندكم نصايح أفيدونا لاني جد ماني فاهم و خايف من سالفة ان الامريكي لو فتح كبوته بتذبحك خرابات و مدري هل فالف المكينه اقل ضررًا من المكينه او مشبمبره او كيف بالضبـط ؟ ياليت الفاهم يعلمنا ..

و المعذره على الاطاله







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


والله اخوي المشكلة عندك اتوقع السلندر رقم ستة مافيه ضغط ولازم يتغير
بدري نصيحة لاتروح كامل المكينة بس سؤال اخير عندك طقطقة فالمكينة


up 0 down 2
kemo0220 42
قبل 11 شهر و 4 أسبوع



البلف اقل ضرر من البستم و غيره بس بدله لا يروح عليك
الباقي و تبدل المكينه كامله بسبب بلف


up 0 down 0
mustafa77 6103 330
قبل 11 شهر و 4 أسبوع



المفترض مايقرر ان البلف مجيم الا لما يفك غطاء البلوف ويحرك الماكينة يدوي ويبان معاه اي بلف مايتحرك او يتاكد من نفس الكويل رقم ستة هل هو شغال ويوصل كهرباء للبوجي واذا تاكد من البلف عطلان يقدر ينظفه ويتاكد من مجاري الزيت حقت البلف والتكايات لان رواسب الزيت هي اللي تسبب المشكلة لذلك لازم تكون مع الفني وقت الفحص علشان لاتتعرض للنصب والاحتيال الا اذا كانت ورشة متخصصة واصحاب ثقة وامانة


up 0 down 0
buick83 214
قبل 11 شهر و 4 أسبوع



ضمانها كم كيلو لأن اتوقع باقي ماخلصت ثلاث سنين  ؟


up 0 down 0
panamira 1880
قبل 11 شهر و 4 أسبوع



عذراً ما انتبهت انها الى ٦٠ الف كيلو

وجهت نظري اشرط عليهم اذا ما صلحت ماتعطيهم هلله ،،

وخذ فاتوره وضمان مش اقل من ١٠ الى ٢٠ يوم في حال انها ضبطت،،

وودي لو كشفت بالشركة وعطهم قيمة الكشف و اشتغلها برا ،،


up 0 down 0
panamira 1880
قبل 11 شهر و 4 أسبوع



في مثل هذي الامور لاتستعجل وتتهور وتكون المشكله بسيطه ، 
دخلها الوكاله مايمنع فحص ويعطونك وش المشكله ، 
وبنفس الوقت شف شغل يدهم كم الوكاله 
ومر كذا ورشه لين تقتنع وتسمع نفس الجواب 
وقارن ب الاسعار ، واذا كان الفرق ١٠٠ او ٣٠٠ شي بسيط
دخلها عند واحد قد اشتغل على دوج لانه افهم وخابر الشغله ، 

والله يكون بعونك


up 0 down 0
r.7.g 40
قبل 11 شهر و 3 أسبوع



اذا تبي نصيحتي. 

دام انك ماعندك الخبره فيها ولا تعرف هل كلامهم صحيح او لا 

ودها الوكاله. قلهم يفحصونها ولا تعلمهم انك فاحصها برا وعارف 
الشغله. 

خلهم يفحصونها. واذا طلع الخراب نفس الي قاله. لك الورشه. 

فااكيد انه. صادق صاحب الورشه. وعاد اسئل الوكاله. كم القطع 
وكم شغل اليد.  
وقارن بين سعرهم. وسعر. الورشه. اذا الفرق. الف او اقل 
انصحك تصلح بالوكاله. اضنن لك. لان الدوج. قليل الي يعرف لها 
خصوصاً اذا الشغله تتعلق بمكينه وقير. يبغالها. وكاله 
او شخص فاهم فيها.  وانت شوف. افحص وكاله. 
واذا العطل نفس كلام الورشه. فكذا خلاص تعرف. العطل 
وتتئكد انه هو. وعاد. لك خيارين تصلح وكاله. حتى لو غالين
او تصلح برا. وتشترط ضمان اقل شي 20يوم.  
افضل واضمن لك. لان غالبيه الورشه. اذا قلت لهم ضمان 
وخايفين من شغلهم. يرفضون ومايعطونك اكثر من اسبوع 
بس الي واثق من شغله. يضمن لك شهر ماعنده مشكله. 


up 1 down 0
سبحان الرازق سبحانه 2473
قبل 11 شهر و 3 أسبوع