أضف سؤال أو موضوع جديد          

حادث قوي تشالنجر 2016 وخايف من تثمين شيخ المعارض بكره

up 7 down 0
josephoh 21
قبل 10 شهر و 2 أسبوع



يا اخوان قطع الاشارة واحد وصدمته بالوجه والحمد لله طلعت سالم لكن السيارة تضررت بالحيل والخطأ ١٠٠٪ عليه وبكره التثمين في شيخ المعارض وانصدمت من عشوائية الأمر في التقييم.

تشالنجر 2016 SXT Plus شريتها قبل 9 شهور وش راح يصير؟ عارف آلية التقيم حقتهم بس ودي بتعويض محترم شاريها ب141 ألف ريال كاش من المتحدة

السيارة ايرباقاتها الامامية كاملة يسار ويمين طلعت والرديتر تكسر ويهرب والمكينة اشوفها ندفت ورا شويء يم البودي والوجهية الامامة كاملة تكسرت مع الجامة الامامية وكبوت السيارة الرفاف يمين ويسار والباب الايمن والايسر جاهم ضغط على البودي ومعاد يفتحون زين

ناس تقول بيروح تالف ويعوضونك كامل المبلغ حقها في حسبتهم لها قبل الحادث وناس يقولون تتحلم يا حبيبي ومستحيل تاخذ اكثر من 50 ألف وناس تقول ان وصلت 50 ألف يعني شارفت على النص ويقولون تالف ويعطونك يمكن 130 او 120 ألف

وانا ضايع مدري وش اسوي واحتاج مساعدة وشايل هم كبير بالحيل لأن لو ما كان التثمين محترم مستحييييل اصلاحها يرجعها زي ما كانت

محتاج عفريت فاهم في هالامور يطمني تشكفون وارسله صور السيارة يشوفها لو يبي







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


تمام نفس توقعاتي
طيب دام كذا صار معك


اذن خلال اسبوعين بتستلم شيك 75 الف ريال و تكون بعت سيارتك هي تسوا من 30 الى 40 الف صار معك حدود 110 ريال تجبلك دودج تشارجر SXT جديد اصفار معارض 2017 اصفااااااااار ويبقي كمان
أسعار المعارض اليوم


معرض وسام الفرسان - الدمام - تشارجر-RT- فل هاوس -اكسسوارات -2016- المتحدة 140.500 كاش



معرض دار النخبة - الرياض - تشارجر - RT فل هاوس - 2017 -سعودي- كل الالوان السعر 126 الف


معرض مسفر فيصل - الرياض - دودج تشارجر RT فل هاوس م 2017 وارد المتحدة السعر 127 الف



معرض ابراج الخليج - الرياض - تشارجر 2017 سعودي-تبريد وتسخين-حساسات SXT نفس حقك 98.500 ريال


معرض الغازي - جدة - تشارجر 2017 سعودي-تبريد وتسخين-حساسات SXT نفس حقك ناسي كم بس ماتزيد عن 100 الف ريال

طبعا كل السيارات جديدة اصفااااااار بدون لوح وتقدر تنزل معاهم لانه السوق نازل هاليومين وانت الكسبان

اتمنى لك التوفيق


up 2 down 1
أبو حسين 0540204345 337
قبل 10 شهر و 2 أسبوع



يارجل الحمدلله على السلامه


وتقدير شيخ المعارض ماقصر معاك

السياره لوجديدة وطلعتها من الوكاله وخذت فيها فره وبعتها تعتبر مستعمل تنزل من قيمتها 10.000 على الاقل

هذا وانت مستخدمها سنه الا شهرين


الحديد يتعوض فديت راسك

اهم شئ سلامتك ياربي لك الحمد


up 2 down 0
aboahmed2014 597
قبل 10 شهر و 2 أسبوع