أضف سؤال أو موضوع جديد          

كيفية تعشيق قير تشارجر غرقانه ؟

up 2 down 1
c a p r i c e ss 252
قبل 7 شهر و 3 أسبوع



السلام عليكم ياشباب
اخوي غرق موتره تشارجر 2010 بوليسي في سيول جده والقير الان في P ونبغى نطلعها سطحه فكيف الطريقه ودورت تحت الموتر مالقيت ولا سلك للقير ؟
ثاني شيء الله يبارك فيكم اللي يعرف وش الطريقه عشان اتعامل مع الموتر هل اغير زيوته والبواجي واشغل وعلى الله ولا كيف ؟
واللي يعرف ورشه ممتازه ياليت يعلمني







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


حياك الله 
شوف المقطع هذا نفس الطريقه اللي بالمقطع وعلمنا وش 
يصير معك 
https://m.youtube.com/watch?v=sSS67ulcKuc


up 3 down 0
دندون جهينة 5
قبل 7 شهر و 3 أسبوع



اصحاب السطحات عندهم خبره

بعض القيور يجي عند العصاء قطعه صغيرة دائريه تفكها بسكروب وتحرك القير


up 4 down 0
aboahmed2014 570
قبل 7 شهر و 3 أسبوع



غير زيت مكينه مع سيفون وامشي عليها اسبوع وارجع غيره مره ثانيه تكون نظفت المكينه
فلتر هواء غيره 


up 0 down 0
كارنز2015 53
قبل 7 شهر و 3 أسبوع



غير زيت مكينه مع سيفون وامشي عليها اسبوع وارجع غيره مره ثانيه تكون نظفت المكينه
فلتر هواء غيره 



طبعا لاتشغله انتبه


up 1 down 4
كارنز2015 53
قبل 7 شهر و 3 أسبوع



اغلب السيارات فيها زر عند القير اسمه shif lock

اضغط عليه ويتحرك القير 


up 1 down 1
abomesal 1020
قبل 7 شهر و 3 أسبوع



ليس دس لايك 
قصدي لايشغله الا لما يغير اللي قلته ويتوكل يشغله
دس لايك ما اقدر حتى احط موضوع


up 6 down 0
كارنز2015 53
قبل 7 شهر و 3 أسبوع



هذي قيرها نفس مرسيدس فياقرا اكيد لها امان في الاسفل جب فني مرسيدس يلقاله حل


up 2 down 1
benz lover -80
قبل 7 شهر و 3 أسبوع



في بعض السيارات موجود بها زر احمر او اسود جنب القير اضغطه بمفتاح او سكروب او دبوس و يتحرك معاك القير بدون حتى ما تدعس فرامل

حركه للN وافصل الجلنط.


up 0 down 0
بدر الباثفايندري 940
قبل 7 شهر و 3 أسبوع



لا تشغله الحين . يبغالك تنظف كل شي الداخلية و الكراسي و الهوبات + فرامل + فلنجات + فلاتر كاملة + زيت المحرك + زيت الجير +

الردتير تنظيف خارجي + ردتير المكيف + ثلاجة المكيف . تنظيف علب الكهرباء + الفيوزات .

كل هذه الأشياء يكون وصلها ماء و طين و يبغالها تنظيف . صارت معاي بالسيل اللي راح و كلها احتاجت تنظيف


up 1 down 0
mh.saeed 146
قبل 7 شهر و 3 أسبوع



قبل لا تفعل اي شيء صور الموتر واتصل على الدفاع المدني لطلب تعويض كوارث


up 2 down 0
كرومان 516
قبل 7 شهر و 3 أسبوع



اول شي افصل البطارية نهائي
ثم حرك المفتاح قبل التشغيل وحرك القير
اذا مانفع في shift lock


up 0 down 0
ali-911 3027
قبل 7 شهر و 3 أسبوع



وبخصوص الاجراءات اللي بعد السيول
غير كل الزيوت اللي بسيارتك وشيك على المكينة من الماء وخلافه والكهرباء لا يلتمس معك
وسلامتك


up 0 down 0
ali-911 3027
قبل 7 شهر و 3 أسبوع



اذا انها نفس التشارجر الشكل الجديد هذي طريقتها
عصا القير جمبه على اليمين قطعه سودا جايه بالطول فكها وتلقا تحتها قطعه حديد مربوطه بحبل خلك ساحبها على فوق
لين تطلع السياره السطحه بعدين رجعها


up 1 down 1
مورد الماء 318
قبل 7 شهر و 3 أسبوع



الله يعطيكم العافيه ويبيض وجهكم 
بالنسبه للموتر قيره علاقي عشانه بوليسي فما فيه زر ال shift لكن رحت يم ورشه دودج وقال لي تلقاه من تحت جهة القير وارسل معي سطحه يعرف لها 
والموتر له حول 3 ايام غرقان كامل فشكله مافيه امل لكن بسوي اللي اقدر عليه وربك يعين 



up 0 down 0
c a p r i c e ss 252
قبل 7 شهر و 3 أسبوع



ياسعود 15 السياره لازم تشتغل عشان تعشق من ال P من الشركه كذا حاطينه امان والسياره مافيها كهرب خير شر مدري هو كمبيوتر ولا ظفيره ولا ايش


up 0 down 0
c a p r i c e ss 252
قبل 7 شهر و 3 أسبوع



واجد الفلسفه هنا

اتبع التالي:

شفت القير؟ جمبه على يمين طوالي محل صغير طوالي حق عملة معدنية

بفمتاح ولا مسمار ولا حديدة او باصبعك، حاول تقشعه من الاطراف وتنقز القطعة البلاستيكية

بعدها تحصل ريشة قماشية حمراء هذي موضوعه لسيارات دودج في حالة الغرق مثل حالتك وما تقدر تشغل الموتر وهو على P

تسحبه لفوق وراح يتحرك معاك القير بدون كهرب وبدون تشغيل السيارة، يعني يدوي بالكامل

اسحبه لفوق وضبط النمره

خل السطحة تربط الموتر وتسحبه

خلصنا؟

تمام

في الورشة:

غسل الموتر من تحت وفوق بضغط موية معتدل ثم ركز على الرديتر بضغط مويه مرتفع شويء ثم رش المكينة وكل الي تحت كبوت السيارة بضغط مويه بسيط من بعيد وغط الاشياء الكهربائيةساعه نشف الموتر والي تحت الكبوت

غير زيت المكينة، غير فلتر الزيت، غير فلتر المكينة، غير فلتر المكيف.

سم بالله وشغل السيارة وان شاء الله الامور طيبة وراح تشتغل بدون مشاكل

بخصوص القيربوكس وزيته، نسبة احتمال ان المويه دخلت منخفضة جدا جدا جدا لأنه مصنوع من حديد سميك مره؛ لا تلمسه ولا تجيه اطلاقا


up 1 down 1
josephoh 21
قبل 7 شهر و 3 أسبوع