أضف سؤال أو موضوع جديد          

محتار بالون المناسب للتشالنجر

up 2 down 4



السلام عليكم

بعد طول انتضار ياخوان قررت اشتري تشالنجر srt

وابي ارهمه هليكات لانه الفرق مهو بسيط وعلى كم شي مالها داعي

لاكن الي حيرني هو الون علما اني ابي استخدم السيارة حدود السنة وابيعها

وفي بالي من زمان الون الاحمر لاكن سالت اكثر الزملاء وماحد مدح هذا الون مدري وشرايكم انتم

عند البيع والتلميع طبعا الون البديل الاسود وللعلم كل السيارات الي اشتريتها او استخدمتها لونها اسود

صحيح الاسود منضره فخم لاكن متعب بالغسيل واثار الخدوث والتلميع الاغلب مايظبط

ودمتم بود







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


دام انك سنه وتبيعها خذ اللون الي تميل له
واتوقع ماتفكر بسعر مابعد البيع

حنا وش يحدنا على الالوان المنتشره الابيض والفضي والاسود
الا لاننا مانفكر بالبيع وهذي الالوان مناسبه لنا مع الاستخدام والسنوات
ولا ينمل منها
اما اذا سنه وابيع ومايفرق السعر معي ماعندي مشكله لو اخذ بنفسجي:)


up 5 down 3
d7ooom777 461
قبل 7 شهر



Srt ابيض مع خطوطها السودا شي جبار شايفها مره بالشارع تنحت فيها
707hp - 485hp = 222hp  فرق بسيط:)
لكن مع ذلك 485 ماهي بسيطه والله يكتب لك الخير


up 3 down 2
abdullah_rea 166
قبل 7 شهر



يعطيك العافية ردك اسعدني


up 1 down 2



اخوي abdullah_rea الون الابيض

لون منتشر بشكل عجيب حتى الدينات والتريلات والتكسي لونها ابيض تحس اننا ريبوتات محنا بشر

الكل مطقم ابيض و للامانة الون الابيض ينفع لكل السيارات معدا التشالنجر مدري مهو ظابط السيارة شكلها كلاسيك

ويجيك لونها ابيض ماينفع

اما الفرق الفرق حدود ال 90 الف تزيد او تنقص شي بسيط

الاكيد الهليكات محركها جبار لاكن بما انه ال srt 6.4 وصلت قرابت ال 500 حصان ومع الفلتر والبرمج تجيب اكثر

اشوف اني اوفرها افضل تقريبا الخمات الداخلية نفسها الهليكات العزل اقل عشان تسمع صوت الاقزوز اعلى

والردار ما يجي على الهليكات لاكن اذا رهمتها راح اشليه

وبس ويعطيك العافية وماقصرت






up 1 down 2



البيبسي جميل جدا على التشارجر والتشالنجر


فعلاً اللون السماوي افضل لون عليه وهيبه

وبعدين لو انا بدالك استخدمه ست سنوات قدام بما انها سياره جديده وجباره

وفقك الله


up 3 down 1
aboahmed2014 570
قبل 7 شهر



احييك على اختيارك للون الاحمر
صراحة كرهت اللون الابيض بسبب انتشاره


up 0 down 0
mohammad 13 494
قبل 6 شهر و 4 أسبوع