.................

الله يعوض عليك , الحل تركيب جهاز انذار لكامل السيارة

جزاك الله خير، السياره فيها نظام انذار من وكالتها لكن طريقتهم كسر القزاز ثم فتح الباب وفصل البطاريه عشان الانذار..

الله يعوضك بخير 

وانا مثلك قبل عشر سنين ايام الزينون انلطش و لافكرت ابلغ ولا شيء وكلت امري لله ،،

انا اشوف وضع كاميرات مراقبة (CCTV) مجدية هالأيام ،،،

يا حبي لك .. يعني ينكسر موترك وينسرق وتتبهذل وتدفع دم قلبك فلوس وبالاخير تدعي ان الله يهدي الجميع لطريق الصواب 

انا معك لو السرقة مضطر لها مثل اكل او شرب محتاجه يمكن نقول معذور مسألة حياة او موت لان الجوع ما يرحم ابداً 
لكن توصل فيهم انهم يسرقون السيارات وما فيها علشان يروح يبيعها بابخس الاثمان وبالاخير الله لا يبلانا يحطها في مخدرات 

لاحول ولا قوة الا بالله 
ربي يعوضك 

فالسنوات العشر اللي فاتت كثر سرق موديلات الاندكروزر التسعين ،،كانوا يشيلون المراتب ويهربون فيها بلاوي وتلقى سيارتك بعدين مشلحة مصدمه ماعد تصلح للاستخدام والسارق مجهول لكن ربك على كل مفسد 

الله يعينك يا خوي ويهون عليك
أذكر إني شفت تظليل شفاف لكن مهمته يمنع كسر الزجاج وله مقاطع كثيرة باليوتيوب

بخصوص الايرباق
دور في موقع eBay احتمال تحصل طلبك
انا شريت منه مرة ايرباق تورس كلفني 470 ريال قبل سنة تقريباً

الله يعوض عليك واكثر من حسبي الله ونعم الوكيل

كثرت السرقات هالفتره  بتكسير القزاز وغيره حتى جهاز الانذار ماعاد يفيد 

لاكن تركيب كمرات مراقبه بالبيت على مواقف السياره 
بكل زوايا البيت. لاقدر الله احد من ضعاف النفوس كسر السياره وسرق منها غرض 
او لاسمح الله سرق السياره.  من خلال تسجيل الكامرات تسهل على  الشرطه التعرف عليهم 
حتى لو متنكرين وطامسين لوحات سيارتهم. يقدرون البحث يطلعونهم.  فا انا اشوف. 
كامرات المراقبه. هي الحل لمثل هالمواقف من السرقات 
على الاقل. اذا كسر السياره بيجيبونه الشرطه وبيتحملها وبعدها يتعاقب  والله يسترنا 

فيه حل بس يمكن ما احد يقتنع فيه 
انا قبل فترة كثرت سرقه في الحي عندنا 
فحطيت ع المرتبه الخلفية مخاد واقمشه 
وغطيتها ببطانية طلع كانه آدمي راقد ورا 
مجرد تطالع تقول انه واحد صدق راقد 
هههههههههههههه سويها منت خسران 

ركب جهاز انذار غير حق الوكاله لن حق الوكاله مافيه لمس تحصله في الغرابي لو قطو لمسها تعطيك انذار بس الله يعينك على الازعاج

الله يلعنهم هذي حركات حقين التشاليح اجل وش يدريهم انه غالي وكيف طريقة فكه هذي عصابة محترفة الله يفكنا شرهم 

تحصلهم اغلبهم حقين حبوب والعتب مو بس عليهم هم ترا يسرقونها ويبيعونها على الورش المفروض اي ورشة تجيهم قطعة
بغير مصدر تتقفل الورشة لو محد يشتري منهم محد راح يسرق والمفروض في كل شارع فيه كاميرا مثل اوروبا مسؤولية المرور والحرامية
يتشهر فيه وتنعرض صورهم عشان يكونون عبرة لغيرهم والله محد بيسرق اذا تطبق ذا النظام بس هنا حب الخشوم ويجيك ابوه يترجاك
وبعد فترة يرجع يسرق الي يقول استر عليه ياحبيبي ربي مايفضح بني ادم يعطيه اكثر من فرصة والحرامي ماراح يتوب الا لو تطبقت عقوبات قاسية

ركب كاميرا داخل السيارة تكون صغيرة ومحد يشوفها

السلام عليكم
الان احتمال انك روجت الفكره لاهل العقول الصغير
ويبدون يفكرون في الموضوع دام فكه سهل وسعره غالي

مشكلة اهل الرياض من المفحطين هذي اكبر مشكلة تعاني منها الرياض 
الحمدالله في الغربية وخاصتا منطقة المدينة بالنادر تحصل قضية سرقه