أضف سؤال أو موضوع جديد          

وش الافضل تشارجر او كرايسلر

up 7 down 4
faisal.alahmari12 21
قبل سنه



السلام عليكم
ي الربع انا ناوي اشتري سيارة سبورت كذا وملفته للنظر 
ومحتار بين ه السيارتين 
تشارجر RT 2018 بريميوم بمكينه هيمي 5.7
او كرايسلر 300s 2018 بمكينه هيمي 5.7
ي ليت تعطوني رايكم ب ذا السيارتين وهل هي تدوم يعني 
مع العلم اني رجال رجلي خفيفه وسواقتي هادية 
وساكن بالجبيل الصناعية والحمدلله شوارعنا ممتازه 
مافيها عيوب .
ي ليت اللي مجرب حد السيارتين يعلمنا عنها وكيف قطع 
غيارها الاستهلاكية من زيت وكفرات وفحمات وكذا 
وشكرا 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


و عليكم السلام

بغض النظر تدوم او لا

حسب كلامك رجلك خفيفه ليش تأخذ 8 سلندر

ليش ما تأخذ 6 سلندر الفل منها

تخدمك أكثر و أقتصاديه اكثر

و بنفس الوقت حوالي 300 حصان قوية ماهي ضعيفه


up 6 down 8



خد الشارجر البريميوم 8 سلندر اقتصاديه اكثر من 6 سلندر

ال 6 سلندر ثقيل عن ال 8 و كدا تصرف اكثر بنسبة لوزن الشارجر

و قير 8 سرعات لو مثلا تمشي داخل او برا البلد مابتحس بصرفيه
نظام صرف وقود 4 سلندر وضغط مكينه نازل


up 5 down 5



التشارجر و الكرايسلر و الكابرس هذي بعض الأمثله

6 سلندر اقل صرف من 8 سلندر داخل المدينه او خط

عندك مثلا اللاندكروزر اعتقد 8 سلندر اقل صرف من 6

او مثلها

المرسيدس الشبح و الفياقرا 8 سلندر اقل صرف من 6 سلندر

لان السيارات هذي 6 سلندر فيها ضعيفه على وزن السيارة

لكن التشارجر 6 سلندر القير 8 غيارات و القوة 300 حصان

ماهي ضعيفه على وزن السيارة


up 0 down 8



تقريبا نفس بعض الفرق ان التشارجر بطابع رياضي والكرايسلر بفخامة شف الي يناسبك
والسيارة منتشرة بالشوارع يعني عملية اهم شيء تحافظ على الصيانة يعيبها الوكيل


up 6 down 0
xviper 123
قبل سنه



(( ي الربع انا ناوي اشتري سيارة سبورت كذا وملفته للنظر ))


بدون تعليق !!!!!


up 7 down 13
1405-1985 1236
قبل سنه



ههههههههههههههههه

وش فيك على الرجال عادي يا اخي كل واحد عنده نقص يحاول يكمله بشيء ملفت للنظر من جهة ثانيه


up 4 down 7



هذا النقص اخطر من نقص زيت المكينه هههههههه


up 2 down 9
1405-1985 1236
قبل سنه



اخوي فيصل
الحمدلله املك تشارجر R/T رود اند تراك وانصحك بالتشارجر بريميوم.. فئه فيها كل الخيارات ومكينتها روعه بس غير كفراتها ميشلان وبتدعيلي.. الكرايسلر حلوه بعد لكن التشارجر تحمل طابع رياضي شبابي والكرايسلر كلاسيكي فخم..



up 8 down 1
أبو بانا 307
قبل سنه



يعطيكم العافية اللي جاوبو ، واما الثنين اللي تحت هداكم الله ، وش تبي اقول يعني ، تبي اقول كشخه هاه
يعني ب نظرك الواحد يشتري سيارة ب ١٦٠ الف ما تلفت النظر ، تفكيركم زي الزفت الله يعطيكم العافية


up 9 down 5
faisal.alahmari12 21
قبل سنه



المشكلة ي ابو بانا ان التشارجر rt بريميوم ٢٠١٨ داخليتها بيضاء وما ادري احس انها مو راكبه


up 5 down 3
faisal.alahmari12 21
قبل سنه



اخوي فيصل مر فرعهم للسيارات المستعمله بالنسيم.. كلها ٢٠١٧ و٢٠١٦ ماشيات ١٠ كيلو بس منزلينها كاستخدام بأسعار ولا اروع مع امكانيه التأجير المنتهي بالتمليك، وبتلاقي داخليه سوداء وشفت وحده داخليتها سوداء بفرع الملك عبدالعزيز..
ولك احلى لايكات ياعسل.


up 6 down 1
أبو بانا 307
قبل سنه



بس تعرف يبو بانا ان الجديد يفرق واكيد الواحد وده ب موديل السنه


up 3 down 1
faisal.alahmari12 21
قبل سنه



البنزين غالي وبيرتفع اكثر
وانت تدور تشارجر وكرايسلر ؟



up 2 down 9
melody 49
قبل سنه



لما يجي عضو جديد صغير سن ويطرح تساؤل.  ويقول ابي سياره سبورت وملفته للنظر ويقصد حلوه.    وهذا ماكنا نتمناه.   
انا اخذت اسكاليد لانها ملفته للنظر وابي اكشخ.   فارتقوا. بتعليقاتكم. من حقه.     لوعرض عليكم  بوقاتي ركبتوها
لكن نصيحتي له وفي ظل ارتفاع البنزين. تشوف سياره شبابيه فل تستمتع فيها