ماهي طريقة بيع السيارات بالحراج

بشكل عام سيارات الحراج لابد فيها مشاكل لذلك يبيعها بالحراج
لا يوجد فحص ولا تجربه تشتري و السيارة واقفه
تشوف البدي قدامك و صوت المكينه فقط
لا تعرف عضلات السيارة ولا الشاص ولا القير
فأكيد تكون ارخص من المعرض نفسه او انك تعرضها بموقع حراج
نزل لها اعلان و حدها بالسعر اللي تشوفه معقول
اللي بيشتري يجرب و يفحص يشتري على بينه

اذا ماتبغى الشريطية يتلمون عليك ابعد عن المكرفون ولف بسيارتك على مهلك وجنب عند رصيف وتكي حولها

السيارة الغريبة الي تدخل المعارض تنعرف اذا كانت للبيع والمهتم بيجيك لحدك يساوم

الله يسعدكم
يعني اليوم انا لفيت حول المعارض وكثير يوقفوني شريطيه بس خلاص متعود اشوف واطنش قلت اروح بنفسي عند معرض واقولهم اذا حابين يشترون والمصيبه وقفت عند معرض او معرضين حسيت الي يشوفني يقول ذا مو خاطره يبيع 


المهم جلست افكر انزل من السياره وافتح الكبوت بس خفت بنفس الوقت يتلمون ع راسي

في السوق عندك اربع طرق للبيع
الاول: توقفها في معرض وتتنتظر الزبون

الثاني: تشوف الشريطيه يشترونها منك بسعر اقل من السوق بس ميزته اسرع
الثالث: توقفها بنفسك في الساحه يوم الجمعه والسبت
الرابع: المكرفون وغالبا بتجيب اقل سعر

الله يسعدك فواز حبيبي طيب وش تشوف افضل طريقه اوقفها بمعرض؟