كيف اضمن حقي

أول شيء صاحب السياره يشوف معقب يجدد له الفحص
بعدين روح انت وصاحب السياره معرض سيارات وخلصوا كل شئ
تسدد للمخالفات وتنقل الملكيه

عمده 33
كيف يجدد الفحص والسياره مخبطه ؟

^
عشان كذا قاله شف معقب

اذا تطيع شوري
شف غيرها وريح نفسك من المشاكل
غيرها كثيييير

جزاك الله خير يا دحومي ، الرجال صامل علي السياره وبحاول اوجد له حل

حياك
الحل تروح لمعرض وهو يتكفل بكل شي يسدد مخالفات ويجدد وينقلها 
بااسمك بطريقتهم بدون فحص 
بس تاخذ وصل باالمبلغ اللي انت دفعته تضمن حقك 
الشغله كلها يومين باالكثير
وتاخذ سيارتك وخلصنا
وباالتوفيق

ايش حادك على الشريه بهذه الطريقة

السيارة بحائل يعني بعيده
والمكينة مخبطه
والاستماره والفحص منتهيات
لا ومضيع اصل الاستماره
والرجال عليه مخالفات انت تدور المرمطه والتعب والخساره ؟

انحششش السيارات واااجد والله حتى لو سعرها لقطه وعاجبتك مثل هالامور والتعقيدات فك نفسك منها

تروح يوم السبت حايل.. وتروح المعارض وتقولهم بوقف سياره مخبطه عندك لين انقلها ب اسمي..ووقفها في اي معرض..وبعدها تروح يسوي لك وكاله من المحكمه.. ب انك بشتري السياره ب مبلغ معيم.. اكتب المبلغ في الوكاله نفسها وانه يحق لك فحص وتجديد ونقل الاستماره..وانك بتسدد قسايم صاحب السياره من قيمت البيع..ولا تستلم السياره الا بعد حظور صاحبها ل المعرض وتسلمه المبلغ ب ايصال دفع .. وختم المعرض..وخذ الاصل من الوكاله وعطه صوره منها..بعدها اذا نفس المعرض يقدر ينقلها ويفحصها انت اسال هناك.. او شف لك معقب.. يخلصها بسرعه.. بعدها تكلم الرجال وتسلمه المبلغ في المعرض..هذا اشوفه حل عشان كل واحد يضمن حقه..

يا رجال قول لصاحب السيارة يدبر له أحد يسلفه عشان يسدد مخالفاته وبعد ما يسدد تتم عمليه البيع بشكل رسمي ومن مبلغ البيعة يسدد الشخص اللي سلفه

أما تعطيه المبلغ على إنه راح يسدد مخالفاته هذي ما ظنتي يصدق معك هذي فلوس تعمي النفوس وانا أخوك

رايي من راي الشباب مادام هذا وضعها وش تبي فيها انحش منها ودورلك سيارة ثانية

وش لك بالمرمطه

الله لايضيق علينا

انحششششششششششششش منها وريح راسك اذا كل المشاكل هذه فيها وانت راغب في شراءها

اذا اشتريتها فعقلك مخبط ايضا ههههه

والله مدري ويش الي حادك عليها لو شاصيها ذهب!!

لا تعطي احد فلوس ولا تثق في احد مهما حلف لك او ادعي ان صادق
انتبه
تري الجحد في الزمن حنا فيه صار زي السلام عليكم

خلها وشف غيرها