تشالنجر استخدام يومي

سيارة كوبيه رياضية اكيد ما تكون عمليه
و نفس مكينة و صرفية الدورانجو سواء V6 أو V8
الديكور نفسه من نفس البلاستيك و هذا عيب في الدودج و جيب
ممكن كرايسلر افضل شوي
شف لك موتر موفر و صغير استخدام يومي
جودة الديكور و العزل و راحة المراتب شي نسبي
يختلف التقييم شخص لآخر

من جدك ؟؟ 
التشالنجر اهي الي يبغيلها سيارة ثانية حق استخدام يومي 
الفكرة ابدا ماتجي ومو مناسبة 

عفوا,وش عيوبها حتى لاتنفع استخدام يومي ؟ .انا اعجبني شكلها بصراحة واسمع بانها مريحة ولكن حاب اتأكد من المجربين

تنفع استخدام يوم ا اخوي بس حط ف بالك صرفية بنزين عالية كانت مع صديقي موديل 2012 وفي ذيك الايام كنت اتعوذ من صرفيتها رغم انه كان عبيها احمر وكان سعره ستين هللة للتر وقتها (اايام لا تنسى) حجمها كبير قطعها غالية مرة صيانتها بالوكالة نيران لكن كسيارة تتحمل نعم الدوج قوي جدا جدا ويتحمل بس بيله مصروف قطع غيار وبنزين

من ناحة مريحة نعم كانت موديل 2012 جدا مريحة وكانت 6 سلندر مع شخص صديقي انا اشهد انه طارة تخيل قام فيها على تشارجر 8 سلندر ارتي والشالنجر حقته 6 سلندر والله ما خلا احد من شره الا وعطاه عواميد لكن احسبه بالخير فارقنا الى خارج المملكة نهائيا منذ اربع سنوات وعليها

الرجال قال يلي استخدام يومي مو مطارحات بعض التعليقات ماتستتفيد منها شي،
نصيحه ابتعد عنها صرفيه بنزين+حجمها كبير ولا تنفع ك سياره ثانويه للاستخدام اليومي
اذا عندك عائله صغيره خذ اي سياره من فئة السيارات الصغيره واذا عندك عائله كبيره نسبياً الاكورد مناسبه وموفره للبنزين

اخو بارك الله فيك الزبدة بالتعليق الاول مني وكتبت كل شي اعرفه عن السيارة ووضحت للاخ السيارة بكل تفاصيلها انا اعرف الاخ يسال عن الاستخدام اليومي ووضحتله كل شي شفته عن هذه السيارة