صوت بمكينة التشارجر اتمنى الافاده

3 0

لايمكنك التصويت حتى الحصول على 20 نقطة على الأقل
إضغط هنا للإخفاء

abo sultan 201055 25
قبل 6 سنه

السلام عليكم و رحمة الله و بركاته

صبحكم الله بالخير و السرور

يالغاليين انا عندي دودج تشارجر 2014 R/T ماشيه 236,000 تقريبا ( نوع الزيت المستخدم 0W40 موبيل ون )

انا راعي خطوط .. نهاية الاسبوع انزل 300 كم و بداية الاسبوع اطلع 300 كم

قبل تقريبا 6 اشهر و على ممشى 210,000 تقريبا ظهرت عندي اصوات تكتكه بالماكينه وبدأت بالتزايد الى صوت شك شك شك مع وجود تفتفه

بعد الفحص وزيارة الورش المختصه تبين انها التكايات

تم تغيير التكايات و الكام شافت ( كان عليه خدوش ) ومره وحده غيرت :

- سير الماكينه و البكرات
- فلتر البنزين
- الجنزير مع الشدادات
- طرمبة الزيت و تنظيف الكارتير و تنظيف الرقبه
- تنظيف البوابة والثلاجة

ولله الحمد أختفى الصوت و رجعت السياره مثل أول واحسن في العزم و في جميع الامور.

الحين بعد تقريبا 25,000 كم من التغيير:

رجع صوت تك تك تك مع نق نق نق في الماكينه وخصوصا مع تشغيل السياره في الصباح

( السياره واقفه اكثر من 10 ساعات ، درجة حرارة الزيت بتكون على 40 درجه تقريبا ) واذا سخنت الماكينه يبدأ الصوت يتلاشى ويهدأ

بصوره كبييييره ولكن لا يختفي .. ايضا وجود ذبذبه خفيفه جدا في امبير RPM على الشرطه السابعه في وضعية السرعه الخامله N ( ضغط الزيت 3.5 بار)

وذا كانت على D وضاغط فرامل ( السرعه 0 ) ينزل امبير RPM بالتدريج ليصل الى الشرطه الخامسه ( ضغط الزيت ينزل بالتدريج من 3.5 الى 3 بار )

مريت على الورشه الي غيرت فيها التكايات و الكام .. قلي هذا صوت تكايات لكن مستحيل تكون ضربت ( يقصد الرمان بلي حق التكاية الي يلف على الكام )

يقول هذا صوت البستم حق التكايه ( طلوع و نزول التكايه ) قلي غير الزيت وجربها .. وبالنسبه للذبذبه ممكن يكون بسبب البوابه تحتاج تنظيف ..

غيرت الزيت لكن للاسف النتائج نفسها ..

هل ممكن تكون البواجي لها دور في الموضوع ( ماشي عليها 55,000 ) تقريبا .. لاني قرأت مواضيع يكون في صوت تكتكه في الماكينه

ويختفي بعد تغيير البواجي

اتمنى الافاده ...

اسف على الاطاله و الازعاج و دمتم بخير...

إبلاغ

الردود