أضف سؤال أو موضوع جديد          

صوت بمكينة التشارجر اتمنى الافاده

up 3 down 0
abo sultan 201055 25
قبل 2 سنه و 7 شهر



السلام عليكم و رحمة الله و بركاته

صبحكم الله بالخير و السرور

يالغاليين انا عندي دودج تشارجر 2014 R/T ماشيه 236,000 تقريبا ( نوع الزيت المستخدم 0W40 موبيل ون )

انا راعي خطوط .. نهاية الاسبوع انزل 300 كم و بداية الاسبوع اطلع 300 كم

قبل تقريبا 6 اشهر و على ممشى 210,000 تقريبا ظهرت عندي اصوات تكتكه بالماكينه وبدأت بالتزايد الى صوت شك شك شك مع وجود تفتفه

بعد الفحص وزيارة الورش المختصه تبين انها التكايات

تم تغيير التكايات و الكام شافت ( كان عليه خدوش ) ومره وحده غيرت :

- سير الماكينه و البكرات
- فلتر البنزين
- الجنزير مع الشدادات
- طرمبة الزيت و تنظيف الكارتير و تنظيف الرقبه
- تنظيف البوابة والثلاجة

ولله الحمد أختفى الصوت و رجعت السياره مثل أول واحسن في العزم و في جميع الامور.

الحين بعد تقريبا 25,000 كم من التغيير:

رجع صوت تك تك تك مع نق نق نق في الماكينه وخصوصا مع تشغيل السياره في الصباح

( السياره واقفه اكثر من 10 ساعات ، درجة حرارة الزيت بتكون على 40 درجه تقريبا ) واذا سخنت الماكينه يبدأ الصوت يتلاشى ويهدأ

بصوره كبييييره ولكن لا يختفي .. ايضا وجود ذبذبه خفيفه جدا في امبير RPM على الشرطه السابعه في وضعية السرعه الخامله N ( ضغط الزيت 3.5 بار)

وذا كانت على D وضاغط فرامل ( السرعه 0 ) ينزل امبير RPM بالتدريج ليصل الى الشرطه الخامسه ( ضغط الزيت ينزل بالتدريج من 3.5 الى 3 بار )

مريت على الورشه الي غيرت فيها التكايات و الكام .. قلي هذا صوت تكايات لكن مستحيل تكون ضربت ( يقصد الرمان بلي حق التكاية الي يلف على الكام )

يقول هذا صوت البستم حق التكايه ( طلوع و نزول التكايه ) قلي غير الزيت وجربها .. وبالنسبه للذبذبه ممكن يكون بسبب البوابه تحتاج تنظيف ..

غيرت الزيت لكن للاسف النتائج نفسها ..

هل ممكن تكون البواجي لها دور في الموضوع ( ماشي عليها 55,000 ) تقريبا .. لاني قرأت مواضيع يكون في صوت تكتكه في الماكينه

ويختفي بعد تغيير البواجي

اتمنى الافاده ...

اسف على الاطاله و الازعاج و دمتم بخير...








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


اسلوب جميل جدا وايضاح عالي المستوى ودقة في التعبير
ممكن اني اعطيك رقم مكانيكي اعرفة ولاكن في اي مدينة انت


up 2 down 0
m1m1m1m1m1 478
قبل 2 سنه و 7 شهر



انا في المدينة المنورة


up 0 down 0
abo sultan 201055 25
قبل 2 سنه و 7 شهر



أخي الزيت الي تغيره خفيف مره وهذا يستخدم في المناطق البارده الي عندهم ثلج غير الزيت ١٠ عل ٣٠ وبإذن الله سيارتك تكون أحسن


up 1 down 0
حطام الأمس 5
قبل 2 سنه و 7 شهر



والله للأسف ما اعرف في المدينة احد
ولاكن كان صوت نفس او مقارب لحكايتك في باثفندر احد الاخوان وعرفها
هندي في وكالة نيسان تبوك وباكاد حصلت رقمه 0562273365


up 0 down 0
m1m1m1m1m1 478
قبل 2 سنه و 7 شهر



يعطيكم العافيه و ماقصرتوا 


up 0 down 0
abo sultan 201055 25
قبل 2 سنه و 7 شهر



اولا اشكرك على وصفك الدقيق للمشكلة
ثاني شيء هل نظفت الشخال تبع الزيت مع تغييرك للطرمبة؟
للامانة الصوت مافهمت...اذا في مقطع مشابه للصوت اللي عندك حالياً يمكن اقدر اعطيك الوضع :)


up 0 down 0
3llawi96 3114
قبل 2 سنه و 7 شهر



العفو يالغالي
ان شاء الله بسجل الصوت و ارسله




up 0 down 0
abo sultan 201055 25
قبل 2 سنه و 7 شهر



البواجي مستحيل انها تطلع صوت الا اذا اتكسرت واحتمال انكسارها والمكينة مازالت تعمل 0.5%
اذا انت بالمدينة المنورة تواصل معاي على الخاص ومايصير الا كل خير



up 0 down 0
alsaahr5753 11
قبل 2 سنه و 6 شهر



اخوي زيت 0w40 مو مناسب ابدا للهيمي.. هذا مخصص للSRT 
اذا مكينتك 5.7 فافضل زيت لها بنزويل 5w20 تحصله عند نجم الرمال



up 0 down 0
hejazi0 34
قبل 2 سنه و 6 شهر



اصلا من البدايه ليش حاط زيت 0w40
زيتها مكتوب بالكتيب 5w20 وانت حاط لها زبت ثقيل!
طبيعي بيجي يوم وتضرب

حط لها زيت بنزويل تحصله عند العربه او لوكاس لو حصلت 5w20 انا ما حصلت بالمدينة

وفي ورشه استاذ الجيب بمجمع الالماني بالعيون اشوفهم كويسين


المهم حط الزيت المناسب


up 0 down 0
الباحث1 135
قبل 2 سنه و 6 شهر