أضف سؤال أو موضوع جديد          

سؤال عن دوج نيون

up 2 down 2
bakeetdo99 84
قبل سنه و 6 شهر



السلام عليكم ورحمة الله وبركاته ،،،
ومبروك عليكم قرب قدوم الشهر الكريم ،

لوسمحتم انا افكر اشتريلي سيارة ( دوج نيون ) جديد نفس اللي بالصورة تحت بسبب سعرها الرخيص ( 37 الف ريال للأستاندر ) اشوفه مغري بصراحه مقارنه بالانترا مثلاً اللي تصك ( 60 الف ريال ) من دون مواصفات تذكر ومكيفها تعبان وغاليه عالفاضي ،،،

المهم ودي أستفسر بخصوص ( دوج نيون ) 2019 /
1ــ هل تنصحوني فيها كاستخدام وتحمل مشاوير ؟
2ــ وهل لها قطع غيار متوفره بالسوق ؟؟

يعني اعطونا نصائحكم حول هذه السيارة من جميع النواحي ،،
وشاااااااكر لكم مقدماً .







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الصراحه اخذ النترا مثل ماتقول مكيفها تعبان ولااخذ نيون اول حاجه قطع الغيار يكفي اني فى النترا اروح اقرب قطع غيار واخذ قطع منه وبرضو بنص سعر قطع نيون لين بغيت تشليح احصل كثر التراب عكس النيون لين بغيت قطعه لها مالك الى وكاله ومعروف وكيلها سيئ  وبرضو لابغيت ابيعها النترا مرغوبه اكثر من النيون لين بغيت زينه لها شاشه اكسسوارات الخ.. احصلها بكل مكان انامااملك وااوحده من السيارات الي ذكرت لاكن الحق ينقال ادفع 60 الف على سياره تريحني هذي طريقه تفكيري انا وهذي وجهه نظري 


up 5 down 5
k 6 4 i 1105
قبل سنه و 6 شهر



هذي تقارنها بالصني اقرب شي سعرها
اما الالنترا اكبر و اغلى

القطع و الصيانة و الوكيل
اهم من كثر المواصفات
و هالفئة حقت توفير خذ الارخص و الاكثر انتشار
و ان كانت اليارس و الاكسنت طارت اسعارها فوق الاربعين !!!


up 2 down 1
مثقف سيارات 1063
قبل سنه و 6 شهر



الله يعطيكم العافيه وماقصرتو ،،،
بصراحة انا فعلاً متخوف من موضوع قطع الغيار خصوصاً ان سيارة ( دوج نيون ) نادر جداً اشوفها بالشارع ،
طيب وش رايكم في ( نيسان صني ) هل ترشحونها لي بدل الدوج نيون خصوصاً اني اشوفها كثيرة الانتشار ، وشااااااكر لكم مقدماً


up 1 down 1
bakeetdo99 84
قبل سنه و 6 شهر



وعليكم السلام الالنترا مايعبها غير المكيف لكن كد وكررررف وعزم وقلة اعطال وسهولة صيانة وتوفر قطع وترى مكيفها
اذا الموتر جديد جيد جدا ولاعندك مشكلة انتبه تشتري اي سيارة قليلة انتشارها لاتغريك المواصفات والسعر وقت البيع مالها سعر
ووقت الصيانه والاعطال تبلش بالقطع والورش الي تشتغل فيها لاتنكب نفسسك اذا تبغى سيارة بسعر رخيص عندك الصني
الريو


up 3 down 1
المنطق يقول 725
قبل سنه و 6 شهر



أنت تبحث عن التوفير ؟

خذ أي سيارة لها قطع في الوكالة 
وقطع عند الموزعين خارج الوكالة
وقطع في التشاليح


up 1 down 0
abdulss 355
قبل سنه و 6 شهر



ما انصحك فيها لإن ماهي منتشره عندنا بالسعودية 
ف لو خذيتها مع الوقت بتتعب وأنت تدور لها قطع غيار 

أنصحك تاخذ سيارة لها شعبية عندنا 
كمثل الاكسنت ، اليارس ، الصني ( تغير شكلها في ٢٠٢٠ ) 


up 2 down 0
..wolf.. 102
قبل سنه و 6 شهر



صني وتوكل على الله

جديد ومكيفها ثلاجة واقتصادية وافضل واكشخ

على فكرة لاتفكر بالاكسنت لانها واصلة ال 40 الف
بخلاف الصني في حدود 34 الف تنقص ماتزيد


up 0 down 0
aboahmed2014 1148
قبل سنه و 6 شهر



عندي نيون 
ماشاء الله بالسعر ذا م تلاقي مواصفات زي نون
عزل صوت الى سرعه ١٤٠ وراحه ورساوه وتكييف ومواصفات وسلامه 
٦ ارباقات وكشافات ولمبات ضباب ووسيعه ومثبت سرعه وتحكم صوت و ٦ سماعات 
يعيبها بس عزمها سيئ انا كان عندي صني قبلها عزم الصني صراحه بطل مقارنه ب النيون


up 1 down 0
abdulaziz bin sami 244
قبل سنه و 6 شهر



وبالنسبه لقطع الغيار ماراح تتعب ف القطع الاستهلاكيه لانها متوفره 
او تجيبها من مصر من ٣ ل ٥ ايام اسعار برخص التراب
اللي راح تتعب فيها قطع البدي جدا غاليه وطلبيه وف الاخير الواحد مابيشتري سياره عشان يفكر يصدمها
وان سار لا سمح الله بيكون امر الله عاد 


up 1 down 0
abdulaziz bin sami 244
قبل سنه و 6 شهر



وكيفها معك الآن أخ عبدالعزيز بن سامي؟


up 0 down 1
وليد م ع الدخيِّل 490
قبل 8 شهر و 4 أسبوع



اللي يقولون إن السيارات الشعبية أفضل مثل الصني والاكسنت واليارس والالنترا إلخ إلخ

كم ارباق في الفل كامل من هالسيارات؟

هل تعلم أن نيون ستاندر ب 43 ألف فيها 6 ارباق؟ أمامية وجانبية وستائر!!؟؟


up 0 down 1
وليد م ع الدخيِّل 490
قبل 8 شهر و 4 أسبوع



شكراً للحمار اللي معطيني دسلايكات.

أبشركم شريت النيون من شهرين تقريباً.
إذا أنت تبي سيارة رخيصة مرة وفيها 6 ارباقات وقفل مركزي وسطي ومثبت سرعة وعزل هوائي وأرضي جيد جداً، خذها.

إذا الأشياء هذي ما تهمك، انحش عنها، وكيل زبالة، قطع ما تلاقيها إلا بالوكالة ويمكن طلبية بعد، وأبو ثامر اللي بالقروب، والتشليح، والشراء من المواقع البريطانية.

مكيفها ردي تبريده مو ذاك الزود.


up 0 down 0
وليد م ع الدخيِّل 490
قبل 6 شهر و 2 أسبوع