تنصحوني اشتري تشارجر 2014 مستعمل ؟

لا ماأنصحك لسبب أن أغلب مستخدمين السيارة من فئة الشباب
و ماتضمن حصل عليها مقاومات و لا تعديل
فما أعتقد تحصل شي نظيف إلا نادر و الدودج ياتاخذه جديد و لا خله

وعليكم السلام ورحمة الله وبركاته
في قناه في اليوتيوب K.m.a خالد عند تشاجر ويمدح
فيها ادخل قناته ممكن تفيدك

اذا ست سلندر ممكن تلقى شي نظيف و ان كانت مكينتها قوية
هي و الماكسيما قليل اللي محافظين عليها و لا هم راعين مقاومات
اسأل عن القطع اللي تتغير مثل القماشات و الفلاتر و السيور
و الصرفيه و التكييف و اذا اول مرة بتستخدم امريكي غير اللي متعود على ياباني و كوري

عندي كرايسلر ٣٠٠ موديل ٢٠١٤ والسياره نفسها ممتازه من ناحية فخامة واداء محرك.
مشكلتها تصرف بنزين بشكل مجنون طبعا الي عندي ٨ سلندر واعطالها قليلة لكن وكيلها تعبان وقطع غيارها ما تلقاها بسهولة.
السيارة اعتقد انه توقف انتاجها واخر موديل هو ٢٠١٩ يعني يمكن تكون قطع غيارها اكثر ندرة

اعتذر فكرتك تقصد كرايسلر ٣٠٠

ما انصحك تطلب واجد خصوصا المقصات وفحمات وتلقاها مع شباب لاعنين خيرها

واحد من الشباب اشترى تشارجر 2014 مستخدم لقطة ماشاء الله
استعماله حق دوام وماله بالتدعيس واموره
يقول القطع الاستهلاكية سعره عادي لاهو غالي ولا رخيص
مثلا البواجي على ٧٠٠ وحاجة لكن كل سلندر له بوجهين يعني 16 بوجي والفحمات على ٦٠٠ وحاجة
انصحك اذا تبي شي نظيف خذ من البحرين أو واحد تعرفه عدل وتعرف سيارته.. غير كذا اذا تبي السيارة حق تدعيس تقدر تاخذ اي واحد معروض للبيع ومو مخبط ولا مصدوم

بيض الله وجيهكم ماقصرتو

الدودج و امثالها تحتاج يكون عندك دخل طيب
اما إذا دخلك متوسط او دون المتوسط
فا انصحك تأخذ سيارة اقتصادية و عملية ( كورولا ...)
لإن بالاخير هي مجرد وسيلة و مع الوقت راح تمل منها
ولا تنسى نقطة مهمة مسألة البنزين و تكلفته و إلى الآن لم يستقر
سعر الوقود متذبذ مابين الانخفاض و الارتفاع للتر

و الله ييسر أمرك

أهرب عنها ولا تفكر فيها ماتعيش تلاقيها مقطوطة في الشوارع والخطوط حقت مراهقين

انت و حظك، اذا حصلتها من شخص معتني فيها راح ترتاح كثير
سيارة مرتبة و راسية جدا، تنكها ٦٨ لتر ب ٩٨ ريال اذا كانت فاضيه على الاخر، انت و دعستك
بتمشي بالفل من ٦٠٠ الى ٦٥٠، قطعها متوفرة و سعرها متوسط و دون المتوسط،
في ورشات محترمة جدا و بتغنيك عن الوكيل، انا بتكلم كمجرب للسيارة.

ما أنصحك الموديل هذا عدى عليه ٥ سنوات و صعب تلاقي نضيف  و عدى عمره اذا بتاخذه موتر ثانوي خذه اما اساسي 
ما ينفع لان الموتر يبغاله واحد يدلعه كان عندي واحد موديل ٢٠١٤ فل ٨ سلندر  تبي شي يكرف و مكده و يعيش شف لك نيسان او تويوتا و ان كانك تبي امريكي شف لك جمس 

للأسف نادر تحصل نظيف ولقطه واستخدام حشمه اغلبها مكروفه بالتدعيس والدرفت والتعديل لاهي ولا الكابريس والي بفئتها شوف الامبالا بنفس الموديل رسميه وشبابيه ومنظرها حلو اذا تناسبك

بارك الله فيكم ,, ماقصرتو والله