نصائح الي مستخدم روج تشارجر 2015 وفوق

انا استخدمت كرايسلر ٢٠١٣ قطعها الاستهلاكية اسعارها في متناول اليد اي شخص يشتريها قادر عليها من جلد وعكوس ومسامير فحمات سلف دينمو راديتر كل الامور هاذي سعرها مناسب صحيح ماراح تلقى اسعار كورولا ويارس لانك راكب سيارة فئتها عالية شوي ولكن في نفس الوقت لو قارنتها باسعار الافالون واللكزس es انا واثق انك راح تلقاها ارخص اما بالنسبة للبدي اسعاره مرتفعة شوي وكل السيارات صارت غالية قطع بديها 

اما كلام اللي يقول لو يخرب شيء بسيط راح توقفها عند البيت خلّه يبله ويشرب مويته

موب لذي الدرجة سلامات ولكن خلك حذر من القير افحصه زين يخرب واجد

الدودج من تقريبا ست سنوات رجع ينتشر مع الناس وصار كثير يشترونها سواء تشارجر او كرايسلر او دورانجو الجيب واميد ماانتشر  الا انه جيد وكذلك الشكل اصبح جميل وفيه فخامة وقوة خاصة لهواة السيارات الرياضية من الشباب وايضا اسعارها كانت معقولة ومنافسة واذا انتشرت السيارة اكيد بيزيد الطلب عليها عند البيع وكذلك قطع الغيار لانها كانت قليلة اول ، وانا اشوف اذا راح تستريها جديدة بتخدمك اقل شي خمس سنوات قطع استهلاكية وهنا للهاوي لها نقول كثر خيرها .

ميزتها فقط دفع خلفي و لا عاد تفرق اكثر سيارات السيدان
دفع امامي او مستمر AWD حتى الكاديلاك و اللنكون الجديد

شف قناة خالد باليوتيوب شارح عن الموتر كل شي قطع وكل اللي بتحتاجه 

منتجات فيات\كرايسزلر (تشارجر-تشالنجر-C300) معروفه بجودتها التعبانه بس سمعتهم باديه تتحسن وأنا شفت بعض أخوياي عاشت معهم السياره.

بصراحه أشوف حدها لل200 ألف (إستعمال وسط وصيانات) لين ماتبدأ بالأعطال
الوكيل سمعته مره تعبانه لحد إني مره دخلت الوكاله وقالي موظف المبيعات إحنا أسوأ وكاله ههه.

الصراحه شكلها حلو ومكينتها حليوه بس بالجوده وقطع الغيار وضعها لك عليه.