مشكله حراره محد قدر يحلها افيدونا

1 0

لايمكنك التصويت حتى الحصول على 20 نقطة على الأقل
إضغط هنا للإخفاء

ابوخالد1397 2893
قبل 4 سنه

السلام عليكم ورحمة الله وبركاته
ظهرت لي مشكله بالسياره وهي ارتفاع الحراره وغليان مويه القربه بشكل جنوني
خلوني ابدأ بوصف المشكله
كنت ماشي وفجاه الحراره بالطبلون H كنت قريب من البيت ووصلتها للبيت وطفيتها
فتحت الكبوت كانت قربه الرديتر تغلي غليان وشفت فيه مويه تحت السياره بس مو كثيره
وفجاه انشفطت المويه من القربه كان فيه شيء يشفطها ولا ادري وين راحت
خليتها تبرد وعبيتها مويه ونزلت تحت السياره مافيه تهريب مويه؟؟
شغلت السياره ونقص الرديتر وعبيته وهي شغاله وقفلت الغطاء(الغطاء جديد شريته لاني قلت يمكن منه)
مشيت عليها ارتفعت الحراره ووقفته وجبت سطحه ووديته الورشه

قالي مشكلتك غطاء رديتر.. قلت له غيرته ولا فاد وهو غيره لانه يقول ماعليك انا اعرف لها وقال ظبطت تعال خذها
يقول شغلتها فوق ساعه ماتشكي من شيء
طلعت فيها مشوار ابو نص ساعه كانت ممتازه وفجاه ارتفعت الحراره وجبنا سطحه، ورجعتها للورشه
طبعا فحص الكمبيوتر يقول مافيها اي عيب
وشيك ع الطرمبه حقت المويه سليمه
وشيك ع راس المكينه سليم
وشيك ع المراوح سليمه وشغاله

فقال احتمال الرديتر عندك مقفل ويمكن يحتاج تسييخ او تبديل لانه المنيوم + بنغير بلف الحراه

راح سواله تسيخ وعبيناه مويه جديده وغير البلف ونسم الهواء اكثر من مره
وشغله ساعتين يقول مافيها حراره
وجربها امورها طيبه
اخذته منه.. وتشميت عليه ساعتين اموره كانت طيبه.. كانت ترتفع حرارته فوق النص وتنزل
وبعد ساعتين ارتفعت الحراره H

وقفته لين مابرد ورجعته بالورشه بدون سطحه
قالي الحل الاخير نبدل الرديتر برديتر جديد
وهذا اللي سويناه شريت رديتر جديد وعبيناه مويه اصليه ونسمنا البلف وشغله وخلاه واقف مده طويله ما ارتفعت حرارته
وطلع يجربه وقالي ان الحراره ترتفع فوق النص وتنزل وللاسف انا ماعرفت وش مشكلتها.. يمكن مشكلتها راس مكينه مع اني شفته سليم

واخذت السياره ووديتها عند مختص تشارجرات وقالي انت سويت كل الاحتمالات
مابقي الا نجرب تبديل المروحه.. لان بعض المراوح تعلق او تثبت سرعه معينه.. وانت ماتدري
وفعلا هذا اللي سويته شريت لها مراوح وبدلناها

واخذته امس وجربته والحمدلله كانت، اموره تمام
واليوم طلعت فيه ولا كملت نص ساعه وارتفعت الحراره فوق النص ورجعت البيت وطفيته

والله تعبت مع هالسياره
سويت كل شيء ولا احد يعرف وش مشكلتها
غيرت غطاء رديتر وغيرت بلف ونسمت وغيرت رديتر جديد وغيرت مراوح
وشيكوا ع طرمبه المويه سليمه والراس ما ادري عنهم، هو سليم ولا لا لاني صرت اقول خلاص اكيد راس المكينه يحتاج تبديل

فهل قد احد مرت عليه مثل هالمشكله
فيه شيء ما ادري اذكره لكم ولا ماله علاقه.. السياره قبل سنتين دخلت في مويه امطار والحمدلله ماصار لها شيء.. غيرت بواجي وزيوت ونظفت المكينه ولا شكت من شيء.. لكن قبل سنه ارتفعت الحراره بسبب مبرد المكينه خلط مع الرديتر وغيرت، مبرد المكينه ونظفت المجري وبعدها ماشكيت من شيء لمده، سنه.. والحين طلعت هالمشكلة بدون، سبب. فما ادري هل هي معتمده علي هالمشاكل السابقه ولا مالها علاقه

والله لا يهينكم

إبلاغ

الردود